უზბეკეთის დროშა

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
უზბეკეთის დროშა

Flag of Uzbekistan.svg

მიღებულია

18 ნოემბერი, 1991

პროპორცია

1:2

წინა დროშები

Uzbekistan Armed Forces (Latin script).svg
უზბეკეთის შეიარაღებული ძალების დროშა

პროპორცია

1:2

Flag of the Uzbek SSR.svg
უზბეკეთის სსრ-ის დროშა

უზბეკეთის დროშაჰიმნთან და გერბთან ერთად წარმოადგენს უზბეკეთის რესპუბლიკის ოფიციალურ სახელმწიფო სიმბოლოს. დროშა ოფიციალურად მიიღეს 1991 წლის 18 ნოემბერს.

ისტორია[რედაქტირება | წყაროს რედაქტირება]

უზბეკეთის სსრ-ის დროშა.

საბჭოთა კავშირის მმართველობის პერიოდში უზბეკეთის სსრ-ის ოფიციალური დროშა იყო სსრკ-ის დროშის საფუძველზე შექმნილი და იგი მოქმედებდა 1952 წლის 29 აგვისტოდან 1991 წლის 31 აგვისტომდე[1] .

უზბეკეთმა დამოუკიდებლობა გამოაცხადა 1991 წლის 1 სექტემბერს, სსრკ-ის დაშლამდე სამი თვით ადრე[2] . აღნიშნული დროშა იყო უზბეკეთის დამოუკიდებელი სახელმწიფოს ოფიციალური სიმბოლო 1991 წლის 1 სექტემბრიდან 17 ნოემბრამდე. დამოუკიდებელი უზბეკეთის დროშა მიიღეს 1991 წლის 18 ნოემბერს[1][3][4]. უზბეკეთი გახდა პირველი პოსტსაბჭოთა რესპუბლიკა შუა აზიაში, რომელმაც მიიღო ახალი დროშა[5].

აღწერა[რედაქტირება | წყაროს რედაქტირება]

უზბეკეთის რესპუბლიკის სახელმწიფო დროშა წარმოადგენს მართკუთხა ქსოვილს, რომელიც შედგება სამი ჰორიზონტალური: ცისფერი, თეთრი და მწვანე ზოლისაგან.

დროშის სიგრძეა 250 სმ, ხოლო სიგანე — 125 სმ. ცისფერი, თეთრი და მწვანე ზოლი ერთმანეთის ტოლია. თითოეული ველის სიგანე 40 სმ-ია, ხოლო მათ შორის მდებარე ორი წითელი ზოლის სიგანე — 2,5 სმ.

დროშის ზედა ცისფერ ზოლზე, ორივე მხარეს, დროშის ტართან გამოსახულია ნახევრამთვარე და სამ რიგად გაწყობილი თორმეტი ხუთქიმიანი ვარსკვლავი.

უზბეკეთის რესპუბლიკის სახელმწიფო დროშის სიმბოლიკა აგრძელებს სახელმწიფოს ტრადიციებს. დროშაზე ცისფერი ფერი აღნიშნავს ცას და სუფთა წყალს, ლაჟვარდოვანი ფერი აღმოსავლეთში საკმაოდ მიღებულია, რადგან ოდესღაც იგი თავისი დროშის ფერად აირჩია თემურლენგმა.

თეთრი ფერი აღნიშნავს მშვიდობასა და სიწმინდეს. ახალგაზრდა დამოუკიდებელი სახელმწიფო თავისი ჩამოყალიბებისა და განვითარების გზაზე მრავალ დაბრკოლებას და უღელტეხილებს გაივლის. თეთრი ფერი დროშაზე აღნიშნავს იმედს, რწმენას იმისას, რომ ეს გზა იქნება წმინდა და ნათელი.

მწვანე ფერი ასოცირდება ნაყოფიერ ბუნებასთან. თანამედროვე მსოფლიოში იზრდება გარემოს დაცვითი მოძრაობები, რომელთა სიმბოლიკაც ასევე მწვანე ფერისაა.

ნახევარმთვარე აღნიშნავს უზბეკი ხალხის მრავალსაუკუნოვან ისტორიას და ტრადიციებს. ნახევარმთვარე და ვარსკვლავები უღრუბლი ცის სიმბოლოა.

უზბეკეთის დროშაზე გამოსახულია 12 ვარსკვლავი. რიცხვი 12 აღნიშნავს 12 ვარსკვლავიან ღამეს. ზოგჯერ ასევე ფიქრობენ, რომ რიცხვი 12 ასოცირდება სრულყოფასთან (მუსულმანური ტრადიციის მიხედვით 12 წლის ბიჭი ხდება მამაკაცი) და 12 რეგიონთან. თუმცა ეს ვარაუდი მთლად გამართლებული არაა, ოფიციალურად ითვლება რომ 12 ვარსკვლავი ესაა 12 ვარსკვლავიანი ღამე.

სახელმწიფო დროშა არის წარსულის, თანამედროვეობისა და მომავლის სიმბოლო.

სახელმწიფო დროშა გამოიყენება უზბეკეთის პრეზიდენტის საზღვარგარეთ ვიზიტების დროს და ასევე უზბეკეთში საზღვარგარეთის ქვეყნების სახელმწიფოს მეთაურების სტუმრობის დროს.

სახელმწიფო დროშა აღმართულია პრეზიდენტის სასახლის სახურავზე, ასევე უზბეკეთის რესპუბლიკის პარლამენტის სახურავზე. დროშა ასევა გამოიყენება სპორტსმენების მიერ სხვადასხვა სპორტული თამაშების დროს და კვარცხლბეკზე მათი ასვლის პერიოდში.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 Smith, Whitney. „Uzbekistan, flag of“. Encyclopedia Britannica. Encyclopedia Britannica, Inc.. http://www.britannica.com/EBchecked/topic/1355934/flag-of-Uzbekistan. წაკითხვის თარიღი: May 18, 2014. (ფასიანი რეგისტრაცია)
  2. Uzbekistan. The World Factbook. CIA. წაკითხვის თარიღი: May 18, 2014.
  3. Azizov, D.. “Brief: Uzbekistan celebrates Flag Day“, Trend News Agency, November 18, 2010. წაკითხვის თარიღი: May 18, 2014.  (ფასიანი რეგისტრაცია)
  4. McCray, Thomas R.; Gritzner, Charles F. (January 1, 2009) Uzbekistan. Infobase Publishing, გვ. 96. წაკითხვის თარიღი: May 18, 2014. 
  5. Kindersley, Dorling (November 3, 2008). Complete Flags of the World. Dorling Kindersley Ltd., გვ. 191. წაკითხვის თარიღი: May 18, 2014.