ტილები

მასალა ვიკიპედიიდან — თავისუფალი ენციკლოპედია
Jump to navigation Jump to search
ტილები
Hundelaus.jpg
ადამიანის ტილი
მეცნიერული კლასიფიკაცია
ლათინური სახელი
Anoplura
Siphunculata

ტილები (ლათ. Anoplura, Siphunculata) — სისხლისმწოვი მწერების რიგი. ადამიანისა და ძუძუმწოვრების პარაზიტებია. აქვთ უფრთო, გაბრტყელებული, ოვალური სხეული, რომლის სიგრძე 1-5 მმ აღწევს, პატარა თავი და მკერდი, მოკლე ულვაშები, შედარებით დიდი მუცელი. ფეხები ბრჭყალებით (სუბსტრატზე მისამაგრებლად) მთავრდება. პირის ორგანოები მჩხვლეტავ-საწუწნია. ჩხვლეტის დროს ნერწყვი ჩადის ჭრილობაში და იწვევს მსხვერპლის კანის გაღიზიანებას. დედალი ტილები გამოყოფენ მწებავ მასას, რომლის საშუალებითაც მათი კვერცხები თმას ეწებება. კვერცხიდან გამოჩეკილი მატლი ზრდასრული ფორმისაგან მცირე ზომით განსხვავდება. მთელ სასიცოცხლო ციკლს ტილები ატარებს მასპინძელზე. ადამიანის პარაზიტებია ადამიანის ტილები და ბოქვენის ტილები, დანარჩენები კი ძუძუმწოვრების პარაზიტებია.

ცნობილია ადამიანის ტილების (ლათ. Pediculus humanus) 2 ფორმა: Pediculus humanus capitis ძირითადად ბინადრობს თმაში, Pediculus humanus vestimenti კი — ტანსაცმელში. ადამიანის ტილები დღე-ღამის განმავლობაში 2-3-ჯერ წოვს სისხლს. ტილებს გადააქვთ ინფექციური დაავადებები (მუცლის ტიპი, ციება და სხვა).

ლიტერატურა[რედაქტირება | წყაროს რედაქტირება]