სხვა ლეველის ოდისეა
„სხვა ლეველის ოდისეა“ — ქართული ნახატი ანიმაციური სერიალი. იგი შედგება დაგეგმილი 4 სეზონისა და 40 ეპიზოდისგან. სერიალს საქართველოში ამერიკის საელჩოს მხარდაჭერით Demlab, იგივე დემოკრატიის ლაბორატორია[1] და სტუდია „ანიმატორი“ ამზადებენ.
სერიალის მთავარი გმირია 17 წლის დავითა, რომელიც სამყაროებს შორის მოგზაურობს, ბოროტებას ებრძვის და დიდი ხნის წინ დაკარგული მამას ეძებს. სიუჟეტის მიხედვით, თბილისი მიწისძვრამ შეაზანზარა, დავითამ კი დაკარგული მამის წერილს სრულიად შემთხვევით მიაგნო. სამყაროებს შორის პორტალის გახსნის შემდეგ დავითა იწყებს მოგზაურობას.
სერიალი გადის Cavea-ს კუთვნილ სერვის Cavea+-ზე. 2023 წლის 27 დეკემბერს საქართველოს კინოთეატრებში იგეგმება „სხვა ლეველის ოდისეის“ სრულმეტრაჟიანი ვერსიის გამოსვლა.