დიმიტრი სოკოლოვი

დიმიტრი სოკოლოვი
დიმიტრი სოკოლოვი
დაბ. თარიღი	1788
დაბ. ადგილი	პეტერბურგი
გარდ. თარიღი	19 ნოემბერი/1 დეკემბერი 1852
გარდ. ადგილი	პეტერბურგი
მოქალაქეობა	რუსეთის იმპერია
საქმიანობა	გეოლოგი და მინერალოგი
ალმა-მატერი	სანქტ-პეტერბურგის სახელმწიფო სამთო უნივერსიტეტი და Mining Cadet Corps
სამეცნიერო წოდება	პროფესორი
ჯილდოები	დემიდოვის პრემია
დიმიტრი სოკოლოვი ვიკისაწყობში

დიმიტრი ივანეს ძე სოკოლოვი (რუს. Соколов, Дмитрий Иванович; დ. 1788, პეტერბურგი — გ. ძველი სტილით [19 ნოემბერი], ახალი სტილით [1 დეკემბერი], 1852, პეტერბურგი) — რუსი გეოლოგი. რუსეთის აკადემიის წევრი (1839). პეტერბურგის უნივერსიტეტის პროფესორი. 1805 წელს ქალაქ სანქტ-პეტერბურგში სამთო კადეტთა კორპუსის დამთავრების შემდეგ ასწავლიდა იქვე, 1841 წლამდე. ერთდროულად (1822-1844) პეტერბურგის უნივერსიტეტის პროფესორი. მის ძირითად შრომებში „მინერალოგიის სახელმძღვანელო“ (2 ნაწ., 1832) და „გეოგნოზიის კურსი“ (3 ნაწ., 1839) გაშუქებულია იმდროინდელი მინერალოგიისა და გეოლოგიის რიგი საკითხი. 1830-იან წლებში ხელმძღვანელობდა ურალის მთიანი ოლქების გეოლოგიურ აგეგმვას. იყო მინერალოგიური საზოგადოების წევრი და მისი დამაარსებელი (1817); „სამთო ჟურნალის“ აქტიური თანამშრომელი და რედაქტორი. 3-ჯერ იყო დაჯილდოებული დემიდოვის პრემიით.

რესურსები ინტერნეტში

• დიმიტრი სოკოლოვი — სტატია დიდი საბჭოთა ენციკლოპედიიდან (რუსული)

ლიტერატურა

• Тихомиров В. В., Дмитрий Иванович Соколов (К 100-летию со дня смерти), "Бюлл. Московского общества испытателей природы. Отдел геологический", 1952, т. 27, в. 6.