სინჰალელები

სინჰალელები
საერთო მოსახლეობა
16 მლნ.
რეგიონები მნიშვნელოვანი მოსახლეობით
შრი-ლანკა	15 173 820
გაერთიანებული სამეფო	100 ათ.
ავსტრალია	50 ათ.
ენები	სინჰალური ინგლისური
რელიგიები	ბუდიზმი ქრისტიანობა

სინჰალელები — ერი შრი-ლანკის რესპუბლიკასა და კუნძულის ძირითადი მოსახლეობა. 2012 წლის შეფასებით, საერთო რაოდენობა დაახლოებით 16 მილიონს შეადგენს. ანთროპოლოგიურად განეკუთვნებიან ევროპეიდულ რასას და ენათესავებიან ჩრდილო ინდოელ ხალხებს. ლაპარაკობენ სინჰალურ ენაზე. უმრავლესობა ბუდიზმის, დანარჩენი ქრისტიანობის მიმდევარია. სინჰალელებს ყოფენ 2 ჯგუფად — ბარისა და მთის (კანდიელები) სინჰალელებად. კანდიელების ყოფაში შემონახულია აზოგიერთი არქაული ნიშანი. სინჰალელების უმრავლესობა მიწათმოქმედებას, სანაიროზე კი თევზჭერას მისდევს.

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 378.