სარჩილავი

მასალა ვიკიპედიიდან — თავისუფალი ენციკლოპედია
Jump to navigation Jump to search
სარჩილავი

სარჩილავი — ხელსაწყო, რომელსაც იყენებენ რჩილვის დროს შესაერთებელი დეტალების გასახურებლად, სარჩილის გასადნობად თხევადი სარჩილის ღრეჩოში დასატანად. სარჩილავის სამუშაო ნაწილს სპილენძისგან ამზადებენ.

სპილენძის სარჩილავის გახურების ტემპერატურა 400°C არ უნდა აღემატებოდეს, წინააღმდეგ შემთხვევაში მისი ცხვირი თხევად სარჩილში გაიხსნება. გახურების რეჟიმის მიხედვით სარჩილავი არის უწყვეტი, ფორსირებული და იმპულსური ტიპისა. სარჩილავებს განასხვავებენ აგრეთვე სარჩილავის ღეროს სახეობის, ნომინალური სიმძლავრისა (10-იდან 250 ვატამდე) და 280°C ტემპერატურამდე გახურების დროის მიხედვით.

სარჩილავების სპეციალურ ტიპს განეკუთვნება ულტრაბგერითი სარჩილავი, რომლის გახურებული ღეროს რხევა მისარჩილავი ლითონის ზედაპირზე გამდნარი სარჩილის ფენის ქვეშ არღვევს ჟანგის ფურჩს; მას ძირითადად ალუმინის სარჩილად იყენებენ.

ლიტერატურა[რედაქტირება | წყაროს რედაქტირება]