სარიტათის მეორე კოშკი
სარიტათის მეორე კოშკი — არქიტექტურული ძეგლი, საფორტიფიკაციო ნაგებობა ჯავის მუნიციპალიტეტის სოფელ სარიტათაში. აგებულია გვიან შუა საუკუნეებში.
გეგმით ოთხკუთხა კოშკი ნაგებია ფლეთილი ქვით კირის დუღაბზე. შემორჩა მხოლოდ სამი-ოთხი სართულის დონე. დასავლეთ და ჩრდილოეთ კედლების ნაწილი დანგრეულია. კარი არ ჩანს. ინტერიერში სართულებს შუა შეინიშნება ხის კოჭის ბუდეები. კოშკის გარშემო მიწის დონე აწეულია.
ლიტერატურა[რედაქტირება | წყაროს რედაქტირება]
- შიდა ქართლი, ჯავის რაიონის არქიტექტურული მემკვიდრეობა, ტ. III, თბ., 2004