დიანა (უელსის პრინცესა)

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან პრინცესა დაიანა)
ნავიგაციაზე გადასვლა ძიებაზე გადასვლა
Oxygen480-mimetypes-signature.svg ამ სტატიას ამჟამად აქტიურად არედაქტირებს Mariam Nakashidze.

გთხოვთ, ნუ შეიტანთ მასში ცვლილებებს, სანამ ეს განცხადება არ გაქრება. წინააღმდეგ შემთხვევაში, შესაძლოა, მოხდეს რედაქტირების კონფლიქტი.
ეს შეტყობინება სტატიაში მხოლოდ ერთი კვირის განმავლობაში შეიძლება დარჩეს.


თარგის ჩასმის თარიღი: 2021-12-1.


მიმდინარეობს სტატიის აქტიური დამუშავება.


მომხმარებლის სახელის და თარიღის ავტომატურად მისათითებლად, გამოიყენეთ თარგი {{subst:მუშავდება}}

დაიანა 1995 წელს

დაიანა, უელსის პრინცესა (დაიბადა დაიანა ფრენსის სპენსერი; 1 ივლისი, 1961 - 31 აგვისტო, 1997) — ბრიტანეთის სამეფო ოჯახის წევრი. დაიანა იყო უელსის პრინცის ჩარლზის პირველი ცოლი - ბრიტანეთის ტახტის აშკარა მემკვიდრე - და პრინც უილიამისა და პრინც ჰარის დედა. დაიანას აქტიურობამ და გლამურმა ის საერთაშორისო კერპად აქცია, მოიპოვა მუდმივი პოპულარობა და მოექცა საზოგადოების უპრეცედენტო ყურადღების ცენტრში, რაც გაამწვავდა მღელვარე პირადი ცხოვრებით.

დაიანა დაიბადა ბრიტანეთის თავადაზნაურობაში და გაიზარდა სამეფო ოჯახთან ახლოს, სანდრინგჰემის მამულში. 1981 წელს, როდესაც მუშაობდა საბავშვო ბაღის მასწავლებლის ასისტენტად, იგი დაინიშნა პრინც ჩარლზზე, დედოფალ ელიზაბეტ II-ის უფროს შვილზე. მათი ქორწილი 1981 წელს წმინდა პავლეს ტაძარში შედგა და ის უელსის პრინცესად იქცა, იგი ენთუზიაზმით მიიღო საზოგადოებამ. მათ ჰყავდათ ორი ვაჟი, უილიამი და ჰარი, რომლებიც მაშინ მეორე და მესამე იყვნენ ბრიტანეთის ტახტის მემკვიდრეობის რიგში. პრინც ჩარლზის და დაიანას ოჯახური სირთულეები პოპულარული ხდებოდა და ისინი 1996 წელს განქორწინდნენ.

როგორც უელსის პრინცესა, დაიანა ასრულებდა სამეფო მოვალეობებს დედოფლის სახელით. მას საქველმოქმედო საქმიანობისადმი არატრადიციული მიდგომა ჰქონდა. მისი მფარველობა თავდაპირველად ბავშვებზე და მოხუცებზე იყო ორიენტირებული, მაგრამ მოგვიანებით დაიანა ცნობილი გახდა ორ კონკრეტულ კამპანიაში მონაწილეობით, რომელიც მოიცავდა შიდსით დაავადებულთა მიმართ სოციალურ დამოკიდებულებებს, მათ მიღებას და საერთაშორისო წითელი ჯვრის მიერ დაწინაურებული კამპანიას, რომლებიც შექმნილი იყო ნაღმების მოსაცილებლად. მან ასევე აამაღლა ცნობიერება და ეხმარებოდა კიბოს და ფსიქიკური დაავადებების მქონე ადამიანებს. პრინცესა თავდაპირველად გამოირჩეოდა მორცხვობით, მაგრამ საზოგადოებაში პოპულარულობა მისი ქარიზმით და კეთილგანწყობით მიიღო, რაც დაიანას ქორწინების კრახის გადალახვში დაეხმარა. მიჩნეული იყო ძალიან ფოტოგენურად, ის იყო მოდის ლიდერი 1980-იან და 1990-იან წლებში. დაიანას გარდაცვალებამ ავტოკატასტროფაში პარიზში გამოიწვია ფართო საზოგადოებრივი გლოვა და მსოფლიო მედიის ყურადღება. მისმა მემკვიდრეობამ დიდი გავლენა მოახდინა სამეფო ოჯახსა და ბრიტანულ საზოგადოებაზე.[1]

ადრეული ცხოვრება[რედაქტირება | წყაროს რედაქტირება]

დაიანა ფრენსის სპენსერი დაიბადა 1961 წლის 1 ივლისს პარკ ჰაუსში, სანდრინგჰემში, ნორფოლკში.[2] ის იყო ხუთი შვილიდან მეოთხე.[3] სპენსერების ოჯახი რამდენიმე თაობის განმავლობაში მჭიდროდ იყო დაკავშირებული ბრიტანეთის სამეფო ოჯახთან.[4] მისი ბებიები მსახურობდნენ დედოფალ ელიზაბეტთან.[5] დაიანას მშობლები იმედოვნებდნენ, რომ ბიჭი გააგრძელებდა ოჯახურ ხაზს, შესაბამისად დაიანასთვის სახელი დაბადებიდან 1 კვირის განმავლობაში შერჩეულიც არ ჰქონდათ.[6] ოჯახში მას არაფორმალურად იცნობდნენ როგორც "ჰერცოგინია".[7]

1961 წლის 30 აგვისტოს დაიანა მოინათლა წმინდა მარია მაგდალინელის ეკლესიაში, სანდრინგჰემში. იგი გაიზარდა სამ დედმამიშვილთნ: სარასთან, ჯეინთან და ჩარლზთან. მისი ჩვილი ძმა ჯონი დაიანას დაბადებიდან ერთი წლით ადრე გარდაიცვალა. მემკვიდრის სურვილმა დაამძიმა მისი მშობლების ქორწინება და ლედი ალთორპი გაგზავნეს ლონდონის ჰარლის კლინიკაში, რათა დაედგინათ "პრობლემის" მიზეზი. ეს გამოცდილება დაიანას უმცროსმა ძმამ, ჩარლზმა აღწერა, როგორც "დამამცირებელი": "ეს იყო საშინელი დრო ჩემი მშობლებისთვის და ალბათ მათი განქორწინების საფუძველი, რადგან არ მგონია, რომ მათ ეს ოდესმე გადაელახათ." დაიანა გაიზარდა. პარკ ჰაუსში, რომელიც მდებარეობს სანდრინგჰემის სამკვიდროში. ოჯახმა სახლი მისი მფლობელისგან, დედოფალ ელისაბედ II-ისგან იჯარით აიღო. სამეფო ოჯახი ხშირად ისვენებდა მეზობელ სანდრინგემის სახლში, დაიანა თამაშობდა დედოფლის ვაჟებთან, პრინც ენდრიუსთან და პრინც ედვარდთან.

დაიანა შვიდი წლის იყო, როცა მისი მშობლები განქორწინდნენ. დედამისმა მოგვიანებით დაიწყო ურთიერთობა პიტერ შანდ კიდთან და მასზე 1969 წელს დაქორწინდა. დაიანა მშობლების განშორების დროს, 1967 წელს დედასთან ერთად ცხოვრობდა, მაგრამ იმ წლის საშობაო არდადეგების დროს ლორდ ალტორპმა უარი თქვა თავისი ქალიშვილის ლედი ოლთორპთან ერთად ლონდონში დაბრუნებაზე. ცოტა ხნის შემდეგ მან მოიპოვა დაიანას მეურვეობა მისი ყოფილი სიდედრის, ლედი ფერმოის მხარდაჭერით. 1976 წელს ლორდი ალთორპი დაქორწინდა რეინზე, დარტმუთის გრაფინიაზე. განსაკუთრებით ცუდი იყო დაიანას ურთიერთობა დედინაცვალთან. მოგვიანებით დაიანამ აღწერა თავისი ბავშვობა, როგორც "ძალიან უბედური" და "ძალიან არასტაბილური". იგი ცნობილი გახდა, როგორც ლედი დაიანა მას შემდეგ, რაც მამამისმა მოგვიანებით მემკვიდრეობით მიიღო ერლ სპენსერის ტიტული 1975 წელს, რა დროსაც მთელი ოჯახი პარკ ჰაუსიდან გადავიდა ალთორპში, სპენსერების ადგილას, ნორთჰემპტონშირში.

განათლება და კარიერა[რედაქტირება | წყაროს რედაქტირება]

დიანა თავდაპირველად განათლებას სახლში იღებდა, გუბერნატის, გერტრუდა ალენის მეთვალყურეობის ქვეშ. მან ფორმალური განათლება სილფილდის კერძო სკოლაში დაიწყო, კინგს ლინში, ნორფოლკში და ცხრა წლის ასაკში გადავიდა რიდლსვორტის ჰოლ სკოლაში, ქალთა პანსიონში. იგი შეუერთდა თავის დებს ვესტ ჰითის გოგონების სკოლაში, სევენოაკსში, 1973 წელს. მისი გამორჩეული საზოგადოების სულისკვეთება აღიარებული იქნა დასავლეთ ჰითის ჯილდოთი. მან თექვსმეტი წლის ასაკში დატოვა ვესტ ჰითი. მისი ძმა ჩარლზი იხსენებს, რომ ამ დრომდე ის საკმაოდ მორცხვი იყო. მან გამოავლინა მუსიკალური ნიჭი, როგორც წარმატებულმა პიანისტმა. იცოდა ცურვა, ბალეტი და ცეკვა.

Institut Alpin Videmanette-ში ერთი ვადით სწავლის დასრულებისას, 1978 წლის აღდგომის კურსის შემდეგ, დიანა დაბრუნდა ლონდონში, სადაც დედის ბინა ორ სკოლის მეგობართან ერთად გაიზიარა. ლონდონში მან გაიარა მოწინავე კულინარიის კურსი, მაგრამ საჭმელს იშვიათად ამზადებდა. იგი მუშაობდა ახალგაზრდებისთვის ცეკვის ინსტრუქტორად, სანამ სათხილამურო უბედური შემთხვევის გამო იძულებული არ გახდა დაეტოვებინა სამთვიანი სამუშაო. შემდეგ ის დასაქმდა საბავშვო ბაღში, როგორც აღმზრდელის ასისტენტი. მის რამდენიმე მეგობართან ერთად და წვეულებებზე დიასახლისის როლს ასრულებდა. იმუშავა ძიძად ლონდონში მცხოვრები ამერიკული ოჯახისთვის და იყო საბავშვო ბაღის მასწავლებლის ასისტენტი. 1979 წლის ივლისში დედამ იყიდა მისთვის ბინა კოლერნ კორტში, ერლ კორტში, როგორც დაიანას მე-18 დაბადების დღის საჩუქარი. 1981 წლის 25 თებერვლამდე იგი იქ სამ ბინადართან ერთად ცხოვრობდა.

ოჯახი[რედაქტირება | წყაროს რედაქტირება]

დაიანა გრაფ სპენსერის ქალიშვილი და სპენსერ-ჩერჩილების ოჯახის წარმომადგენელი იყო, საიდანაც ჰერცოგი მელბურნი და უინსტონ ჩერჩილი იყვნენ. დაიანამ პრინცი ჩარლზი საქველმოქმედო საღამოზე გაიცნო, 1981 წელს კი ცოლად გაჰყვა. ერთი წლის თავზე პირველი ვაჟი პრინცი უილიამი შეეძინათ, 1984 წელს კი მეორე ვაჟი ჰარი დაიბადა.

დაიანა ძირითად დროს შვილების აღზრდას უთმობდა და თითქმის აღარსად ჩნდებოდა, თუმცა არასდროს მიუტოვებია ის, რაც ყოველთვის ძალიან უყვარდა — ქველმოქმედება. რამდენიმე წელში ჩარლზსა და დაიანას შორის ურთიერთობა ძალიან დაიძაბა. ამასთან ერთად, ცნობილი გახდა დაიანას ჯეიმზ ჰევითთან ურთიერთობის შესახებ. თანაც, დაიანა ვერ ეგუებოდა სამეფო კარის ცხოვრებას, რაც 1995 წელს განქორწინებით დასრულდა.

დაიანა ახლა უფრო მეტ დროს უთმობდა ქველმოქმედებას. ჩარლზთან გაყრიდან რამდენიმე თვეში მან დოდი ალფაედი გაიცნო, რომელთანაც ძალიან ახლო ურთიერთობა ჰქონდა. დაიანას დოდი შეუყვარდა, დოდის კი — დაიანა. ის ბედნიერი იყო, რომ გვერდით ჰყავდა ადამიანი, რომელიც ძალიან უყვარდა.

1997 წლის ზაფხულში ისინი პარიზში ისვენებდნენ. 31 აგვისტოს დაიანა და დოდი ავტოკატასტროფაში მოყვნენ, რის შედეგადაც მათი გადარჩენა ვერ მოხერხდა.

არსებობს ვერსია, რომ დაიანასა და დოდის სიკვდილი უბედური შემთხვევით გამოწვეული არ იყო. თვლიან, რომ დაიანას ეს მოუწყეს. ამასთან, ადანაშაულებენ ექიმს, რომ მან არ მოახდინა სწრაფი რეაგირება. ამ თემასთან დაკავშირებით დოდი ალფაედის მამამ ფილმიც გადააღებინა სახელად „კრიმინალური მკვლელობა“, რომელიც დიდ ბრიტანეთში აკრძალულია.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Diana's Legacy: A Reshaped Monarchy, a More Emotional U.K.. The New York Times (30 August 1997).
  2. Morton 1997, p. 70.
  3. Morton 1997, pp. 70–71.
  4. Brown 2007, pp. 32–33.
  5. Bradford 2006, p. 2.
  6. Morton 1997, p. 71.
  7. Barcelona, Ainhoa. (3 September 2018) Princess Diana's sweet childhood nickname revealed in resurfaced letter – see photo. ციტირების თარიღი: 17 November 2020