ოქსფორდის უნივერსიტეტი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ოქსფორდის უნივერსიტეტი
Oxford University Coat Of Arms.svg
ლათ.: Universitas Oxoniensis
დევიზი Dominus Illuminatio Mea - უფალი ჩემი სინათლეა
დაფუძნდა დაახ. 1096[1]
ტიპი საჯარო
მდებარეობა ოქსფორდი, ინგლისი
საიტი ox.ac.uk

ოქსფორდის უნივერსიტეტი (ინგლ. University of Oxford) მდებარეობს ოქსფორდში, ინგლისი, და ინგლისურენოვანი მსოფლიოს უძველესი უნივერსიტეტია.

უნივერსიტეტის დაფუძნების ზუსტი თარიღი არ არსებობს, თუმცა მის ფესვებს მე-11 საუკუნისკენ მივყავართ. ლეგენდის მიხედვით, 1209 წელს პროფესორ-მასწავლებელთა და ადგილობრივ მოქალაქეთა შორის კონფლიქტის შედეგად უნივერსიტეტის წევრთა ნაწილი ოქსფორდიდან ჩრდილო-აღმოსავლეთით, ქალაქ კემბრიჯში გაიხიზნენ, სადაც მათ კემბრიჯის უნივერსიტეტი დააფუძნეს. ოქსფორდისა და კემბრიჯის უნივერსიტეტებს (ერთობლივად მოიხსენიებენ როგორც ოქსბრიჯს) მას შემდეგ ურთიერთობის დიდი ისტორია აქვთ და გაერთიანებული სამეფოს ყველაზე ელიტურ და პრესტიჟულ უნივერსიტეტებად ითვლებიან. ოქსფორდი არის რასსელის ჯგუფის (ბრიტანეთის კვლევითი უნივერსიტეტების ქსელი, ინგ. Russel Group), კოიმბრას ჯგუფის (ევროპის წამყვან უნივერსიტეტთა ასოციაცია, ლათ. Coimbra Group) და ასევე ევროპის კვლევითი უნივერსიტეტების ლიგის (LERU) წევრი.

Times Good University Guide-ის რეიტინგში ოქსფორდი თერთმეტი წელია პირველობას არ თმობს.[2] THE World University Rankings-ის თანახმად იგი საუკეთესოა ბოლო ხუთი წლის განმავლობაში.[3] Professional Ranking World Universities-ის ცნობით ოქსფორდი მე-5-ა მსოფლიოში და პირველი ბრიტანეთში.[4]

ოქსფორდის უნივერსიტეტის კურსდამთავრებულებს შორის არიან: მარგარეტ ტეტჩერი, დეივიდ კამერონი, ინდირა განდი, ბენაზირ ბჰუტო, სტივენ ჰოკინგი, ოსკარ უაილდი, ჯონ რონალდ რუელ ტოლკინი.

სქოლიო[რედაქტირება | წყაროს რედაქტირება]

  1. Introduction and History. University of Oxford. წაკითხვის თარიღი: 21 October 2014.
  2. Oxford tops Times Good University Guide for 11th year. University of Oxford (14 June 2012). წაკითხვის თარიღი: 30 December 2012.
  3. Times Higher Education Clinical, Pre-Clinical & Health.
  4. Mines ParisTech Professional Ranking World Universities. http://www.boivigny.com/Classement-2011-des-universites-par-l-Ecole-des-Mines-le-french-ranking-par-excellence_a781.html.