ნიანია ლიპარიტის ძე

ნიანია ლიპარიტის ძე — დიდგვაროვანი ფეოდალი XI საუკუნის საქართველოში, ბაღვაშთა საგვარეულოს წარმომადგენელი, კლდეკარის ერისთავის ლიპარიტ IV-ის ძე. იგი მამასთან ერთად ბერძენთა მოკავშირე ყოფილა თურქთა წინააღმდეგ ბრძოლისას. „მატიანე ქართლისაჲს“ ცნობით, სულა კალმახელისა და მესხი დიდებულების მიერ ლიპარიტისა და მისი ძის ივანეს შეპყრობის შემდეგ ნიანია კლდეკარს გაქცეულა, მაგრამ ის მამამისის მეციხოვნეებს არ მიუღიათ და იძულებული გამხდარა ბიზანტიის კონტროლის ქვეშ მყოფ ანისში გადახვეწილიყო.

ლიტერატურა

• მეტრეველი რ., ქართული საბჭოთა ენციკლოპედია, ტ. 7, გვ. 407, თბ., 1984 წელი.