მასალა ვიკიპედიიდან — თავისუფალი ენციკლოპედია
ნავაშინის ძაღლნიორა (ლათ. Ornithogalum navaschinii) — მრავალწლოვანი ბალახოვანი მცენარე სატაცურისებრთა ოჯახისა. აქვს 25 სმ-მდე სიმაღლის ღერო. 3–15-ყვავილიანი ყვავილედი, რომელიც მრავალყვავილიან ფარისებურ მტევანს წარმოადგენს, ლანცეტა თანაყვავილები. მოგრძოხაზური მოყვანილობის, თეთრი ყვავილსაფრის ფოთლები, გარედან მუქი მწვანე ზოლით; ვიწროხაზური ფოთლები (3–4 ცალი). ყვავის და ნაყოფმსხმოიარობს აპრილ-ივნისში. გავრცელებულია თითქმის მთელ კავკასიაში, მცირე აზიასა და ჩრდილოეთ ირანში, არის ყირიმშიც. საქართველოში გვხვდება შიდა და ქვემო ქართლში, სამცხე-ჯავახეთში. იზრდება მთის ქვედა და შუა სარტყლებში, ქვიან ადგილებში, ველებზე, ნახევრად უდაბნოში.[2]
