მისტასინი

მისტასინი (ინგლ. Lake Mistassini) — ტბა კანადაში, კვებეკის პროვინციაში. მდებარეობს ლავრენტის მაღლობის წყალგამყოფზე, ზღვის დონიდან 372 მ სიმაღლეზე. ზედაპირის ფართობი 2,164 კმ², აუზის ფართობი 19,676 კმ², საშუალო სიღრმე 69.3 მ, მაქსიმალური სიღრმე 183 მ. ტბიდან სათავეს იღებს მდინარე რუპერტი. ბევრია თევზი. გარშემო ტყეა. ტბა აღმოაჩინა ფრანგმა მოგზაურმა შარლ ალბანელმა 1672 წელს. სახელწოდება კრი და ინუ-აიმუნის ენებზე ნიშნავს „დიდ ქვას“, რაც შესაძლოა ტბაში მდებარე დაახლოებით 3 მ სიმაღლის ერატიკულ ლოდთან იყოს ასოცირებული.

რესურსები ინტერნეტში