მიკრომეტრი

მიკრომეტრი (შემოკლებით მკმ; მოძველებული სახელწოდებაა ბერძ. μικρόν — „მიკრონი“) — მეტრის მემილიონედი ანუ მილიმეტრის მეათასედი ნაწილი. მიკრომეტრს ადრე მიკრონი (მკ) ეწოდებოდა, რომლის სახელწოდება შეცვალა ზომა-წონის მე-13 გენერალურმა კონფერენციამ (1967). ამ ერთეულს „გოსტ“ 7663-55-ისა და წილობითი ერთეულების სახელწოდებათა წარმოქმნის წესის თანახმად ეწოდა მიკრომეტრი.

მიკრომეტრის საერთაშორისო შემოკლებული სახელწოდებაა µm.