მეიფლაუერი

მასალა ვიკიპედიიდან — თავისუფალი ენციკლოპედია
Jump to navigation Jump to search
მეიფლაუერი
კეიპ-კოდის უბე, სადაც მეიფლაუერი შევიდა

მეიფლაუერი (ინგლ. Mayflower, სიტყვასიტყვით „მაისის ყვავილი“, კუნელი) — განთქმული თევზსარეწი იალქნიანი ხომალდი, რომელმაც ინგლისელი პურიტანები, ანუ პილიგრიმები, პლიმუთიდან (ინგლისი) ახალ მსოფლიოში (დღევანდელი მასაჩუსეტსი) ჩაიყვანა 1620 წელს.[1] გემზე დაახლოებით 120 მგზავრი და 30 გემის ეკიპაჟის წევრი იყო. იყო მეორე გემიც იგივე სახელწოდებით, რომელმაც ლონდონსა და ახალ პლიმუთს შორის რამდენიმე რეისი შეასრულე.

ხომალდმა ინგლისი 6 სექტემბერს (ძველი სტილით) დატოვა და 66-დღიანი მგზავრობის შემდეგ, ღუზა 11 ნოემბერს კეიპ-კოდის ყურეში ჩაუშვა. თავდაპირველად ხომალდმა მიმართულება მდინარე ჰუდზონზე აიღო, დღევანდელი ნიუ-იორკის მახლობლად, თუმცა მოახლოებული ზამთრის გამო ხომალდი კეიპ-კოდში გაჩერდა.

21 მარტს ყველა გადარჩენილი მგზავრი, რომელიც ზამთარს ხომალდზე აფარებდა თავს, პლიმუთის სანაპიროზე გადმოსხდა, ხოლო 15 მაისს მეიფლაუერი უკან ინგლისში დაბრუნდა. 1623 წელს, კაპიტანი ქრისტოფერ ჯოუნზის გარდაცვალებიდან ერთ წელიდადში, ხომალდი ჯართისთვის დაშალეს როზერჰითში, ინგლისი.

მეიფლაუერს განსაკუთრებული ადგილი უჭირავს ამერიკის ისტორიაში, როგორც მომავალი აშშ-ის ადრეული ევროპული კოლონიზაციის სიმბოლოს. მათი რელიგის ინგლისის ეკლესიისა და მთავრობის ჩაგვრის გამო, რელიგიურ სეპარატისტთა მცირე ჯგუფს, რომლებიც გემის მგზავრთა თითქმის ნახევარს შეადგენდნენ, სურდათ ამ ჩაგვრისგან განთავისუფლება. რელიგიური თავისუფლების ეს სიმბოლო აშშ-ის ისტორიას ლეიტმოტივად მოჰყვება და ნებისმიერი ამერიკული ისტორიის სახელმძღვანელოს კვაკუთხედია.

ამერიკელებს, რომელთა ფესვები ახალ ინგლისთან არის დაკავშირებული, ხშირად სჯერათ, რომ ისინი მეიფლაუერის მგზავრთა შთამომავლები არიან. მეიფლაუერის მოგზაურობისა და პლიმუთის კოლონიის დაარსების შესახებ ძირითადი ცნობები უილიამ ბრედფორდს ეკუთვნის, რომელიც ამ კოლონიის წინამძღოლი და მოგვიანებით მისი მმართველი იყო.

ლიტერატურა[რედაქტირება | წყაროს რედაქტირება]

  • Bradford, William; William T. Davis (ed) (1908). Bradford's History of Plymouth Plantation, 1606-1646. Scribners.  (the only written account of the voyage)
  • R. G. Marsden, "The 'Mayflower,'" English Historical Review 19 (October 1904): 669-80.
  • Philbrick, Nathaniel (2006). Mayflower: A Story of Courage, Community, and War. Viking. ISBN 0-670-03760-5. 
  • Usher, Roland G (1984). The Pilgrims and their History. Williamstown, Massachusetts: Corner House Publishers. ISBN 0-87928-082-4.  (originally published in 1918)

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]

  1. Folsom, George. et al. Historical Magazine: and Notes and Queries Concerning the Antiquities, History, and Biography of America. (C. B. Richardson, 1867) page 277