მაცხოვრის ეკლესია (ბაქო)

მასალა ვიკიპედიიდან — თავისუფალი ენციკლოპედია
Jump to navigation Jump to search
მაცხოვრის ეკლესია
Xilaskar Kilsəsi.JPG
ძირითადი ინფორმაცია
ქვეყანა დროშა: აზერბაიჯანი აზერბაიჯანი

მაცხოვრის ეკლესია (აზერ. Xilaskar kilsəsi), ასევე ცნობილი, როგორც ლუტერანული კირხა (აზერ. Lüteran kilsəsi; გერ. Evangelisch-Lutherische Kirche in Baku) — ლუთერანულ - ევანგელიური ეკლესია აზერბაიჯანის დედაქალაქ ბაქოში. განლაგებულია „28 მაისის“ ქუჩაზე.

ისტორია[რედაქტირება | წყაროს რედაქტირება]

არქიტექტორი ადოლფ ეიხლერი

მშენებლობის ნაკვეთი, რომელიც შეადგენს 1400 კვადრატულ საჟენს (6373 კვადრატულ მეტრს) გადაცემული იქნა ქალაქის დუმის მიერ 1885 წლის 30 იანვარს. ეკლესიის პროექტი შექმნა არქიტექტორმა ადოლფ ეიჰლერმა ნეოგოთურ სტილში. არსებობს აზრი, რომ არქიტექტორი შთააგონა მარბურგის წმინდა ელიზავეტის ეკლესიამ. 1896 წლის 21 მარტს მოხდა საძირკვლის ჩაყრა. ცერემონიას ესწრებოდნენ გუბერნატორი ლილეევი და ქალაქის თავი ირტეცკი. ცერემონიას ასევე ესწრებოდა ემანუელ ნობელი, მისი დედინაცვალი და ლიუდვიგ ნობელის მეორე მეუღლე. 1898 წლის 24 ივნისს შენობის შპილზე წამოცმული იქნა ცამეტფუდიანი (213 კილოგრამი) მოოქროვილი ჯვარი. 1899 წლის დასაწყისში დაყენებულ იქნა ზარი და ორღანი. 1899 წლის 14 მარტს გახსნის ცერემონიას ესწრებოდა ათას კაცზე მეტი. 1900 წლის 23 აპრილს შედგა პირველი ორღანული კონცერტი, რომელზეც შესრულებულ იქნა იოჰან სებასტიან ბახის ნაწარმოებები.

აზერბაიჯანის კომპარტიის ცეკა-ს ყოფილი პირველი მდივნის სერგეი კიროვის მკვლელობის შემდეგ 1934 წელს საბჭოთა სკულფტორმა პინხოს საბსაიმ მიიღო დაკვეთა კიროვის ძეგის შექმნაზე ბაქოში. სამუშაოდ მას დაწირდა მაღალი ჭერის მქონე შენობა ძეგლისა და კვარცხლბეგის დასადგამად. საბსაიმ მოითხოვა კირხის სენობა სახელოსნოდ. იმის მიუხედავად, რომ ამ დროს იქნა მიღებული გადაწყვეტილება კირხის დანგრევაზე, საბსაის თანხმობა განუცხადეს. [1]. ბაქოს ლუთერანული თემი მოქმედებდა 1936 წლამდე, სანამ არ იქნა გაუქმებული საბჭოთა კავშირის მიერ. 1937 წლის 1 ნოემბერს პასტორ პაულ ჰამბერგი და მისი შვიდკაციანი ოჯახი დახვრეტილ იქნა.

დღესდღეობით კირხის შენობაში განლაგებულია აზერბაიჯანის კულტურის სამინისტროს საკონცერტო დარბაზი . 1996 წლის 1 დეკემბერს აქ შედგა ნობელის ოჯახის ხსოვნის საღამო.

სქოლიო[რედაქტირება | წყაროს რედაქტირება]

  1. Информационный портал о Германии. Церковь Спасителя в Баку: вторая жизнь. 10.01.2011