მასიმილიანო სფორცა

მასალა ვიკიპედიიდან — თავისუფალი ენციკლოპედია
Jump to navigation Jump to search
მასიმილიანო სფორცა
Massimiliano Sforza by G.A. de Predis (Donatus Grammatica).jpg
მილანის ჰერცოგი
მმართ. დასაწყისი: 16 ივნისი, 1512
მმართ. დასასრული: 5 ოქტომბერი, 1515
წინამორბედი: ლუი XII ვალუა
მემკვიდრე: ფრანსუა I ვალუა
პირადი ცხოვრება
დაბ. თარიღი: 25 იანვარი, 1493
დაბ. ადგილი: მილანი, მილანის საჰერცოგო
გარდ. თარიღი: 4 ივნისი, 1530, (37 წლის)
გარდ. ადგილი: პარიზი, საფრანგეთის სამეფო
დინასტია: სფორცები
მამა: ლუდოვიკო სფორცა
დედა: ბეატრიჩე დ’ესტე
რელიგია: კათოლიციზმი

მასიმილიანო სფორცა (იტალ. Massimiliano Sforza; დ. 25 იანვარი, 1493 — გ. 4 ივნისი, 1530) — სფორცას დინასტიის წარმომადგენელი. მილანის ჰერცოგ ლუდოვიკო სფორცასა და ბეატრიჩე დ’ესტეს უფროსი ვაჟი. მილანის ჰერცოგი 1512-15 წლებში.

ბიოგრაფია[რედაქტირება | წყაროს რედაქტირება]

მასიმილიანო დაიბადა 1493 წლის 25 იანვარს. იგი იყო მილანის ჰერცოგ ლუდოვიკო სფორცასა და მისი ცოლის, ბეატრიჩე დ’ესტეს უფროსი ვაჟი. მას სახელი საღვთო რომის იმპერატორ მაქსიმილიან I-ის პატივსაცემად დაარქვეს. როდესაც იგი სამი წლის იყო, განიხილებოდა მისი და ინგლისის მეფე ჰენრი VII-ის ნაბოლარა ასულის, პრინცესა მერი ტიუდორის ქორწინება, თუმცა მოლაპარაკებები ჩაიშალა, რის შემდეგაც მერი საფრანგეთის მეფეზე დაქორწინდა, მასიმილიანო კი დაუქორწინებელი დარჩა. 1497 წელს, მშობიარობას გადაჰყვა დედამისი.

1500 წელს საფრანგეთის მეფე ლუი XII-მ მამამისის მმართველობა დაამხო, რის შემდეგაც ლუდოვიკო თავის ვაჟებთან ერთად ავსტრიაში გაიქცა, სადაც ავსტრიის ერცჰერცოგ მაქსიმილიან I-ს ცოლად მასიმილიანოს ბიძაშვილი, ბიანკა მარია სფორცა ჰყავდა. აქ გატარებული წლების შემდეგ, 1512 წელს მასიმილიანო დიდი ჯარით დაბრუნდა მილანში, გააძევა ფრანგები და თავად ჰერცოგი გახდა. მისი მმართველობა დიდხანს არ გაგრძელებულა.

1515 წელს ფრანგები ახალი მეფის, ფრანსუა I-ის მეთაურობით შეიჭრნენ მილანში, მასიმილიანო მარინიანოს ბრძოლაში დაამარცხეს და დაამხეს, ტახტზე კი ფრანსუა ავიდა. აღსანიშნავია, რომ ფრანსუამ მასიმილიანოს 30,000 დუკატი გადაუხადა, რის შემდეგაც მან სამუდამოდ თქვა უარი მილანის ტახტზე და საფრანგეთში ცხოვრების ნება მიიღო. ამის შემდეგ იგი პარიზის სამეფო კარზე დასახლდა, სადაც გარდაიცვალა კიდეც 1530 წლის 4 ივნისს, 37 წლის ასაკში, უცოლ-შვილოდ.

ლიტერატურა[რედაქტირება | წყაროს რედაქტირება]

  • Alexander, J. J. G., Italian Renaissance Illuminations, (1978) ISBN 9780701122706
  • Frieda, Leonie. The Deadly Sisterhood: A Story of Women, Power and Intrigue in the Italian Renaissance, Weidenfeld & Nicolson, (2012)
  • Perry, Maria, Sisters to King Henry VIII, (1998)