მარია ზანკოვეცკაია

მასალა ვიკიპედიიდან — თავისუფალი ენციკლოპედია
Jump to navigation Jump to search
მარია ზანკოვეცკაია
Maria Zankovetska.jpg
მარია ზანკოვეცკაია
დაბ. თარიღი 4 აგვისტო, 1854
სოფელი ზანკი, ახლანდელი ჩერნიგოვის ოლქი, უკრაინა
გარდ. თარიღი 4 ოქტომბერი, 1934
კიევი, უკრაინა
საქმიანობა მსახიობი

მარია ზანკოვეცკაია (ნამდვილი გვარი ადამოვსკაია, უკრ. Заньковецька Марія Костянтинівна; დ. 4 აგვისტო, 1854 — გ. 4 ოქტომბერი, 1934) — უკრაინელი მსახიობი და თეატრალური მოღვაწე. უკრაინის სახალხო არტისტი (1922). სასცენო მოღვაწეობა დაიწყო 1882 წელს, გამოდიოდა უკრაინულ დასებში, რომლებსაც ხელმძღვანელობდნენ მარკ კროპივნიცკი, მიხაილ სტარიცკი, ნიკოლოზ სადოვსკი, პანას საქსაგანსკი, ივანე კარპენკო-კარი და სხვები.

1907 წელს სადოვკსისთან ერთად დააარსა პირველი უკრაინული თეატრი კიევში. ხელმძღვანელობდა სახალხო თეატრს ნეჟინში (1918), მონაწილეობდა კიევის სახალხო თეატრის დაარსებაში (1918, ახლანდელი ზანკოვეცკაიას სახელობის უკრაინული დრამატული თეატრი ლვოვში). უკრაინულ დასთან ერთად გასტროლებზე იყო პეტერბურგში, მოსკოვში და სხვა. ზანკოვეცკაიას შემოქმედებას დიდად აფასებდნენ ლევ ტოლსტოი, ანტონ ჩეხოვი, პეტრე ჩაიკოვსკი, კონსტანტინე სტანისლავსკი, ვლადიმერ ნემიროვიჩ-დანჩენკო, მარია ერმოლოვა, ილია რეპინი და სხვა. განსაკუთრებულ წარმატებას მიაღწია როლებში: ნატალკა, ტერპილიხა (კოტლიარევსკის „ნატალკა-პოლტავკა“), გალია (შევჩენკოს „ნაზარ სტოდოლია“).

ლიტერატურა[რედაქტირება | წყაროს რედაქტირება]