ლილ უეინი

მასალა ვიკიპედიიდან — თავისუფალი ენციკლოპედია
Jump to navigation Jump to search
ფაილი
Lil Wayne logo.svg Lil Wayne (23513397583).jpg
ლილ უეინი 2015 წლის დეკემბერში
დაბ. სახელი დუეინ მაიკლ კარტერი უმცროსი
დაბ. თარიღი 27 სექტემბერი, 1982 (1982-09-27) (37 წლის)[1]
ახალი ორლეანი, ლუიზიანა, აშშ
მოქალაქეობა აშშ-ის დროშა აშშ
საქმიანობა
  • რეპერი
  • მომღერალი
  • სიმღერების ავტორი
  • ბიზნესმენი
  • მსახიობი
აქტიური 1995-დღემდე
მეუღლე(ები) ტოია ჯონსონი (იქ. 2004; განქ. 2006)
შვილ(ებ)ი 4
მუსიკალური კარიერა
ჟანრი ჰიპ-ჰოპი
ინსტრუმენტები
  • ვოკალი
  • გიტარა
ლეიბლები
ასოციაციები

დუეინ მაიკლ კარტერი (ინგლ. Cash Money Records), ცნობილი სასცენო სახელით ლილ უეინი (ინგლ. Lil Wayne დ. 27 სექტემბერი, 1982) — ამერიკელი რეპერი, მომღერალი, სიმღერების ავტორი, ბიზნესმენი და მსახიობი.

მისი კარიერა დაიწყო 1995 წელს, 9 წლის ასაკში, როდესაც შეუერთდა ლეიბლს Cash Money Records. 1996 წელს გახდა არასრულწლოვანი რეპერებისგან შემდგარი ჯგუფ Hot Boys-ის წევრი. 1997 წელს ჯგუფმა გამოსცა პირველი სტუდიური ალბომი Get It How U Live!.

ლილ უეინის სადებიუტო სტუდიურ ალბომს Tha Block is Hot (1999) მიენიჭა პლატინის სტატუსი, ხოლო მის მომდევნო ორ ალბომს Lights Out და 500 Degreez — ოქროსი. მას დიდი წარმატება მოუტანა 2004 წელს გამოცემულმა ალბომმა Tha Carter, ისევე როგორც Destiny's Child-თან შესრულებულმა სიმღერამ „Soldier. მას შემდეგ მან გამოსცა ალბომი Tha Carter II (2005), აგრეთვე რამდენიმე მიქსტეიპი“. მსოფლიო აღიარება მოუტანა ალბომმა Tha Carter III (2005), რომელიც დღემდე რჩება მის ყველაზე წარმატებულ ალბომად — ერთ კვირაში აშშ-ში გაიყიდა ერთი მილიონი ეგზემპლარის ოდენობით, ხოლო გრემის 51-ე დაჯილდოებაზე ალბომმა გაიმარჯვა ნომინაციაში „საუკეთესო რეპ ალბომი“.

Tha Carter III-ის წარმატების შემდეგ უეინმა გამოუშვა ალბომი Rebirth (2010). უარყოფითი შეფასებების მიუხედავად, ალბომს მიენიჭა ოქროს სტატუსი RIAA-სგან. 2010 წელს იარაღის უკანონო ტარებისთვის რვა თვიანი სასჯელი მოიხადა რაიკერსის გამოსასწორებელ კოლონიაში. მისი მერვე ალბომი I Am Not a Human Being (2010) გამოიცა ციხეში ყოფნის პერიოდში. ერთი წლის შემდეგ გამოუშვა მეშვიდე სტუდიური ალბომი Tha Carter IV, რომლის გაყიდვებმა პირველივე კვირაში, აშშ-ში 964,000 ასლი შეადგინა. მასში შესულია სინგლები: „6 Foot 7 Foot“, „How to Love“ და „She Will“.[3] 2018 წელს გამოსული მეთორმეტე ალბომი Tha Carter V სერტიფიცირებული იქნა პლატინით.

მთელი კარიერის განმავლობაში, ლილი უეინს გაყიდული აქვს 100 მილიონი ჩანაწერი, მათ შორის 15 მილიონი ალბომი და 37 მილიონი ციფრული ტრეკი. ამ მაჩვენებლით იგი ითვლება ყველა დროის ერთ-ერთ ყველაზე გაყიდვად მუსიკალურ შემსრულებლებლად.[4][5][6]

დისკოგრაფია[რედაქტირება | წყაროს რედაქტირება]

სტუდიური ალბომები

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. “Monitor“, Sep 20–27, 2013, გვ. 36. 
  2. Lil Wayne Frees 'Tha Carter V' Via a Settlement from Cash Money.
  3. Markman, Rob. (11 ივლისი, 2011) Lil Wayne's Carter IV 'Totally Done'. MTV. წაკითხვის თარიღი: 13 ნოემბერი, 2011.
  4. Paul Grein. “Week Ending July 14, 2013. Albums: Jay-Z Back On The Throne“, Chart Watch, Yahoo, 17 ივლისი, 2013. 
  5. Loynes, Anna. (5 იანვარი, 2012) The Nielsen Company & Billboard's 2011 Music Industry Report. Business Wire. წაკითხვის თარიღი: 15 მაისი, 2012.
  6. J. Moser, John. “Lil' Wayne, one of hip-hop's biggest stars, to play Sands Bethlehem Event Center“, The Morning Call, 29 ნოემბერი, 2015. წაკითხვის თარიღი: 29 ნოემბერი, 2015.