ლექს-სენი

ლექს-სენი
ბიოგრაფია
ნამდვილი სახელი	ალექსანდრე ქავთარაძე
აგრეთვე ცნობილი როგორც	ლექს-სენი
დაბ. თარიღი	18 ივლისი, 1981 (1981-07-18), თბილისი
წარმოშობა	საქართველო
ჟანრ(ებ)ი	რეპი, ჰიპ-ჰოპი
საქმიანობა	მომღერალი
ინსტრუმენტ(ებ)ი	ვოკალი

ალექსანდრე (ლექსო) ქავთარაძე (ცნობილი სასცენო სახელით ლექს-სენი; დ. 18 ივლისი, 1981, თბილისი) — ქართველი რეპერი.

ბიოგრაფია

ლექსო ქავთარაძე 1981 წლის 18 ივლისს თბილისში დაიბადა. სწავლობდა თბილისის მე-4 ქართულ გიმნაზიაში. სწავლის პარალელურად ლექსო გატაცებული იყო მუსიკით: რეპით, ჰიპ-ჰოპით. სკოლის დასრულების შემდეგ, 1998 წელს, სწავლა ივანე ჯავახიშვილის სახელობის თბილისის სახელმწიფო უნივერსიტეტში, ფილოსოფიის ფაკულტეტზე განაგრძო.

შემოქმედება

ლექს-სენმა პირველი სიმღერა სტუდენტობისას დაწერა, რომლის პრემიერაც სტუდენტურ დღეებზე გაიმართა. 2001 წელს მისი პირველი ჰიტი „არ თქვა უარი“ გამოვიდა. ამას მოჰყვა ჰიტები: „გაბედულად“, „მინდოდა გამეგო“ და ა.შ. 2002–2005 წლებში ლექსო სტუდია „მაესტროსთან“ თანამშრომლობდა. ამ პერიოდში შეიქმნა ჰიტები: „ხელები მაღლა“, „გაიგე“, „მისაბაძი კაცი“. 2006 წელს კი, მომღერალმა მსმენელს ახალი ჰიტები: „პატრიოტები“, „კოკოითი ფენდარასტ“, „არ იფიქრო“, „თქმა არ შემიძლია“ აჩუქა..

დისკოგრაფია

• „ლექსს არ ვყიდი“ (2003)
• „სდექ“ (2004)
• „ამტანი“ (2005)
• „ჩემი ოქრო“ (2005)
• „ნახე“ (2007)
• „შენი ჯერია“ (2009)
• „სიგნალი“ (2013)
• „ეპოქა“ (2023)
• „საკაიფოდ ვარ“ (2024)

პირადი ცხოვრება

2010 წელს ლექს-სენი პროფესიით იურისტზე, უკრაინელ ტატიანა ბურლიაიზე დაქორწინდა.