კორდილიერა

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg ეს სტატია კუნძულთა ვიწრო მწკვრივს ეხება. მსოფლიოს უგრძეს მთათა სისტემის შესახებ იხილეთ კორდილიერები.

კორდილიერა (ესპ. Cordillera - მთაგრეხილი) — კუნძულთა ვიწრო მწკვრივი (პატარა, ჩვეულებრივ, კლდოვან კუნძულთა არქიპელაგი), რომელიც ტექტონიკურად გეოანტიკლინური აზევების თხემურ ნაწილს წარმოადგენს. ჩნდება გეოსინკლინის განვითარების საწყის სტადიაზე და მაქსიმალურ გავრცელებას აღწევს მისი მოწიფულობის პერიოდში.

ფიქრობენ, რომ კორდილიერები განაპირობებენ გეოსინკლინში ფლიშურ ნალექთდაგროვებას. ოროგენულ ეტაპზე, გეოსინკილინის საერთო აზევების პირობებში, კორდილიერა დამოუკიდებელ ერთეულად აღარ გამოიყოფა და შედის მთათა სისტემაში დიდი ანტიკლინორიუმის სახით.

ლიტერატურა[რედაქტირება | წყაროს რედაქტირება]