კოლეტი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
კოლეტი
SidonieGabrielleColette.jpg
დაბ. თარიღი 28 იანვარი 1873(1873-01-28)[1]
დაბ. ადგილი სენ-სოვერ-ან-პიუიზე
გარდ. თარიღი 3 აგვისტო 1954(1954-08-03)[1] (81 წელი)
გარდ. ადგილი პარიზი[2]
საქმიანობა რომანისტი[3], ghostwriter, ჟურნალისტი[3], მწერალი, ლიბრეტისტი, სცენარისტი, ნოველისტი[3] და დრამატურგი
მოქალაქეობა საფრანგეთი
Magnum opus ჟიჟი და La Chatte
ჯილდოები საპატიო ლეგიონის ორდენის კომანდორი, საპატიო ლეგიონის ორდენის დიდი ოფიცერი, საპატიო ლეგიონის ორდენის ოფიცერი და საპატიო ლეგიონის ორდენის კავალერი
მეუღლე მორის გუდეკე, ანრი გოტიე-ვიიარსი და ანრი დე ჟუვენელი
პარტნიორ(ებ)ი მატილდ დე მორნი და ბერტრან დე ჟუვენელი
შვილ(ებ)ი კოლეტ დე ჟუვენალი[3]
ხელმოწერა Colette Willy (signature).svg
Colette ვიკისაწყობში

კოლეტი, ნამდვილი სახელი: გაბრიელ სიდონი (ფრანგ. Gabrielle Sidonie; დ. 28 იანვარი, 1873 - გ. 3 აგვისტო, 1954) - ფრანგი ნოველისტი.

ბიოგრაფია[რედაქტირება | წყაროს რედაქტირება]

კოლეტი (გაბრიელ სიდონი) დაიბადა 1873 წლის 28 იანვარს იონაში, საფრანგეთი. მისი პირველი წიგნები ავტობიოგრაფიულ ხასიათს ატარებს: "კლოდინი სკოლაში", "კლოდინი პარიზში", "კლოდინი თხვოდება", "კლოდინი მიდის". ამ რომანებში კოლეტი თავისი ცხოვრების სხვადასხვა ეტაპს აღწერს. მწერალ ქალს განსაკუთრებით ემარჯვებოდა ფსიქოლიგიური ანალიზი და სათქმელს უჩვეულო სიფაქიზით გადმოსცემს. პირველ რომანებს თავისი ქმრის, ვილის გვარით აქვეყნებდა. ქმართან გაცილების შემდეგ იგი მსახიობობას იწყებს, გამოდის მიუზიკგოლებში. 1913 წლიდან კი მთლიანად ლიტერატურულ მოღვაწეობას მისდევს და ყველა წიგნს კოლეტის ფსევდონომით ბეჭდავს. მისი რომანების ძირითადი თემებია - სიყვარული, ქალის მდგომარეობა, მისი ემანსიპაცია, განთავისუფლება ბურჟუაზიული ცრურწმენებისაგან: "შერი", "შერის დასასრული", "მოხეტიალე ქალი", "მიუზიკჰოლში" ად სხვა. ბუნების, სოფლისა და ცხოველთა სამყაროს მოტრფიალე კოლეტი დიდი ოსტატობითა და სიყვარყკით გვიხატავს ბუნების სილამაზეს, ცხოველთა ცხოვრებას: "მხეცების დიალოგი", "სიდო", "კატა", "მშვიდობა ცხოველებს შორის". ლირიკული დღიური "მწუხრის ვარსკვლავი" მიეძღვნა საფრანგეთის "წინააღმდეგობის" მოძრაობას. კოლეტი დიდი პოპულარობით სარგებლობდა. არჩეულ იქნა ბელგიის სამეფო აკადემიისა და გონკურების აკადემიის წევრად. ლიტერატურული დამსახურებისთვის მიენიჭა საპატიო ლეგიონის ორდენი.

კოლეტი გარდაიცვალა 1954 წლის 3 აგვისტოს პარიზში, საფრანგეთი.

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 Record #118521527 // Integrated Authority File შემოწმებული აპრილი 27 2014:
  2. Record #118521527 // Integrated Authority File შემოწმებული დეკემბერი 31 2014:
  3. 3.0 3.1 3.2 3.3 The Feminist Companion to Literature in English — С. 224.