კარლ ფრედერიკი (ჰოლშტაინ-გოტორპის ჰერცოგი)

მასალა ვიკიპედიიდან — თავისუფალი ენციკლოპედია
Jump to navigation Jump to search
კარლ ფრედერიკი
Carl Frederick of Sweden c 1722 by David von Krafft.jpg
წოდებები
ჰოლშტაინ-გოტორპის ჰერცოგი
დაიბადა 30 აპრილი, 1700
გარდაიცვალა 18 ივნისი, 1739, (39 წლის)
საგვარეულო ოლდენბურგები
მეუღლე(ები) ანა პეტროვნა
შვილ(ებ)ი პეტრე III, რუსეთის იმპერატორი
მამა ფრედერიკ IV, ჰოლშტაინ-გოტორპის ჰერცოგი
დედა ჰედვიგ სოფია შვედი
რელიგია ლუთერანიზმი

კარლ ფრედერიკ ჰოლშტაინ-გოტორპელი (დან. Carl Frederik af Holsten-Gottorp; დ. 30 აპრილი, 1700 — გ. 18 ივნისი, 1739) — ოლდენბურგების დინასტიის წარმომადგენელი. ჰოლშტაინ-გოტორპის ჰერცოგ ფრედერიკ IV-ისა და ჰედვიგ სოფია შვედის ვაჟი. ჰოლშტაინ-გოტორპის ჰერცოგი 1702-39 წლებში. ცოლად ჰყავდა რუსეთის იმპერატორ პეტრე I-ის ასული ანა პეტროვნა, რომელთანაც შეეძინა მომავალი იმპერატორი პეტრე III.

ბიოგრაფია[რედაქტირება | წყაროს რედაქტირება]

კარლ ფრედერიკი დაიბადა 1700 წლის 30 აპრილს. იგი იყო ჰოლშტაინ-გოტორპის ჰერცოგ ფრედერიკ IV-ისა და მისი ცოლის, ჰედვიგ სოფია შვედის ერთადერთი შვილი. მას სახელი მამის, ფრედერიკ IV-ისა და ბიძის, შვედეთის მეფე კარლ XII-ის პატივსაცემად დაარქვეს. 1702 წელს მამამისი პოლონელებმა მოკლეს ბრძოლაში, რის გამოც ორი წლის კარლ ფრედერიკი ჰერცოგი გახდა, თუმცა მის ნაცვლად ქვეყანას დედამისი მართავდა. 1708 წელს, დედამისის გარდაცვალების შემდეგ, მისი მეურვე დეიდამისი, ულრიკა ელეონორა შვედი გახდა.

1721 წელს, დანიელებმა დაიპყრეს ჰოლშტაინ-გოტორპის საჰერცოგო და ნიშტადის ზავით კარლ ფრედერიკი საჰერცოგოდან გააძევეს. იგი ცდილობდა დაებრუნებინა დაკარგული ტერიტორიები, რის გამოც რუსეთის საიმპერატორო კარზე ჩავიდა. იგი დანიის წინააღმდეგ ალიანსის შექმნაზე ფიქრობდა, რისთვისაც მოსკოვში იგი რუსეთის იმპერატორ პეტრე I-ის ასულ ანაზე დაქორწინდა.

კარლ ფრედერიკსა და ანას მხოლოდ ერთი ვაჟი შეეძინათ, რომელსაც მან სიმამრის პატივსაცემად პეტრე დაარქვა. ამის გამო, პეტრე I მას დიდი ჯარით დაეხმარა.

მას შემდეგ, რაც ბიძამისი, შვედეთის მეფე კარლ XII უშვილოდ გარდაიცვალა, კარლ ფრედერიკი შვედეთის ტახტის ერთ-ერთ მემკვიდრედ მოიაზრებოდა. თუმცა, მისი კანდიდატურა მალევე მოხსნეს და 1719 წელს შვედეთის დედოფალი დეიდამისი, ულრიკა ელეონორა გახდა.

კარლ ფრედერიკი გარდაიცვალა 1739 წლის 18 ივნისს, 20 წლის ასაკში. მისი ვაჟი, პეტრე III რუსეთის იმპერატორი გახდა და სათავე დაუდო რომანოვების ახალ დინასტიას, რომელიც რუსეთს 1917 წლამდე მართავდა.

ლიტერატურა[რედაქტირება | წყაროს რედაქტირება]

  • Eckardt Opitz: Schleswig-Holstein – Das Land und seine Geschichte in Bildern, Texten und Dokumenten. 3. überarbeitete Auflage. Ellert & Richter, Hamburg 2002, ISBN 3-8319-0084-1, S. 121 ff.
  • Elena Palmer: Peter III. Der Prinz von Holstein. Sutton, Erfurt 2005, ISBN 3-89702-788-7.
  • A. D. Jørgensen: Carl Frederik. In: Carl Frederik Bricka (Hrsg.): Dansk biografisk Lexikon. Tillige omfattende Norge for Tidsrummet 1537–1814. 1. Auflage. Band 3: Brandt–Clavus. Gyldendalske Boghandels Forlag, Kopenhagen 1889, S. 367–371
  • Eckhard Hübner: Staatspolitik und Familieninteresse. Die gottorfische Frage in der russischen Außenpolitik 1741-1773. Quellen und Forschungen zur Geschichte Schleswig-Holsteins Bd. 83. Karl Wachholtz Verlag Neumünster 1984, S. 17