კაბაჭრელა

მასალა ვიკიპედიიდან — თავისუფალი ენციკლოპედია
Jump to navigation Jump to search
კაბაჭრელა
კავკასიის კაბაჭრელა
კავკასიის კაბაჭრელა (Erythronium caucasicum)
მეცნიერული კლასიფიკაცია
სამეფო:  მცენარეები
განყოფილება:  ყვავილოვანი მცენარეები
კლასი:  ერთლებნიანები
რიგი:  შროშანისნაირნი
ოჯახი:  შროშანისებრნი
გვარი:  კაბაჭრელა
ლათინური სახელი
Erythronium L., 1753

კაბაჭრელა, ძაღლისკბილა (ლათ. Erythronium) — ბოლქვიანი ბალახოვანი მცენარეების გვარი შროშანისებრთა ოჯახისა.[1]

მრავალწლოვანი მცენარეებია. აქვთ კვერცხისებრ-მოგრძო მიწისქვეშა ბოლქვები, ჩვეულებრივ, ორი ოვალური მწვანე ან მარმარილოსფერ-ჭრელი ფესვისპირა ფოთლით. ყვავილი ერთი ცალია, თავჩაქინდრული, ფურცლებგანცალკევებული, 10 სმ-მდე დიამეტრის, მკრთალი მეწამული, ლილისფერი, ვარდისფერი ან თეთრი, უფოთლო ყვავილის ყუნწში მჯდომარე (სიმაღლე 25 სმ-მდე). ნაყოფი — კოლოფი.[2]

მისი 25-მდე სახეობა გავრცელებულია ჩრდილოეთ ამერიკაში, სამხრეთ ევროპაში, კავკასიაში, მათ შორის საქართველოს (Erythronium caucasicum — კავკასიის ენდემი) და სამხრეთ ციმბირის მთებში. დეკორატიული მცენარეებია, აშენებენ ბაღებში, პარკებსა და ალპინარიუმებში.[1] ზოგიერთი სახეობის ბოლქვი საკვებად ვარგისია.[2]

სქოლიო[რედაქტირება | წყაროს რედაქტირება]

  1. 1.0 1.1 ქართული საბჭოთა ენციკლოპედია, ტ. 5, გვ. 292, თბ., 1980 წელი.
  2. 2.0 2.1 Головкин Б. Н. КАНДЫК // Большая российская энциклопедия. т. 12. — М., 2008. — стр. 718.