ისლანდიის დეპრესია
ისლანდიის დეპრესია, ისლანდიის მინიმუმი — დაბალი ატმოსფერული წნევის არე ატლანტის ოკეანის ჩრდილო ნაწილში — კუნძულ ისლანდიის მახლობლად; მნიშვნელოვანი ატმოსფეროს მოქმედების ცენტრი ჩრდილოეთ ნახევარსფეროში. განსაკუთრებით კარგადაა გამოხატული ზამთარში, როცა წნევა დეპრესიის ცენტრში 996 მბარ-ზე ნაკლებია. ისლანდიის დეპრესიის სამხრეთ კიდეზე მიწისპირა ჰაერი ატლანტის ოკეანიდან ევროპის ტერიტორიაზე გადადის და ზოგჯერ კავკასიამდეც აღწევს. ცივი ჰაერის მასების შემოჭრის შედეგად დასავლეთ საქართველოში მოდის თავსხმური ნალექები, შავ ზღვაზე იწყება შტორმი.
ლიტერატურა
[რედაქტირება | წყაროს რედაქტირება]- ჯავახიშვილი შ., ქართული საბჭოთა ენციკლოპედია, ტ. 5, თბ., 1980. — გვ. 233.