იაკობ მუსხელიშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
იაკობ მუსხელიშვილი
1865-1936
ეროვნება ქართველი
დაბადების თარიღი 1865
გარდაცვალების თარიღი 1936
წოდება გენერალი
ბრძოლები/ომები რუსეთ-თურქეთის 1904-1905
პირველი მსოფლიო ომი
ჯილდოები წმინდა ანას III ხარისხის ორდენი
წმინდა ანას II ხარისხის ხმლებით
წმინდა სტანისლავის II ხარისხის ორდენი
წმინდა ვლადიმირის IV ხარისხის ორდენი
წმინდა ვლადიმირის III ხარისხის ხმლებით

იაკობ მუსხელიშვილი (დ. 1865 — გ. 1936) — ქართველი გენერალი.

დაამთავრა თბილისის კადეტთა კორპუსი. პოდპორუჩიკი (1885). პორუჩიკი (1889). შტაბსკაპიტანი (1895). კაპიტანი (1899). დაამთავრა ოფიცერთა სკოლა. რუსეთ- იაპონიის 1904-1905 წლების ომის მონაწილე. პოდპოლკოვნიკი (1907). პოლკოვნიკი (1911, წარჩინებისთვის). 1913 წელს ყარსის ციხესიმაგრის არტილერიის I-III ბატარეების უფროსი. პირველი მსოფლიო ომის მონაწილე. დაჯილდოებული იყო ორდენებით: წმინდა ანას III ხარისხის, წმინდა ანას II ხარისხის ხმლებით, წმინდა სტანისლავის II ხარისხის, წმინდა ვლადიმირის IV ხარისხის, წმინდა ვლადიმირის III ხარისხის ხმლებით. 1918-1921 წლებში მსახურობდა საქართველოს შეირაღებულ ძალებში. 1918 ბათუმის ციხესიმაგრის არტილერიის უფროსი. იმავე წლის თებერვალში წარმატებით განაიარაღა შავის ზღვის ფლოტის მეამბოხე ნაწილი, რისთვისაც გენერლის წოდება მიიღო. მსახურობდა ქართულ ჯარში. საქართველოს ოკუპაცია-ანექსიის შემდეგ ემიგრაციაში არ წასულა. რამდენჯერმე იყო დაპატიმრებული საბჭოთა სპეცამსახურების მიერ. აკრძალული ჰქონდა თბილისში ცხოვრება.

ლიტერატურა[რედაქტირება | წყაროს რედაქტირება]

  • ბახტაძე მ., „საქართველოს დემოკრატიული რესპუბლიკა (1918-1921), ენციკლოპედია-ლექსიკონი“, უნივერსიტეტის გამომცემლობა, გვ. 289, თბ., 2018 წელი.