თვალშისაცემი მოხმარება

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ტერმინი „თვალშისაცემი მოხმარემა“ შექმნა ამერიკელმა სოციოლოგმა და ეკონომისტმა თორსტეინ ვებლენმა, რომელიც ინსტიტუციური ეკონომიკის ფუძემდებელია.

თვალშისაცემი მოხმარება — ტერმინი, რომელიც აღნიშნავს მოხმარებლის მიერ უფრო მაღალი ხარისხის ან უფრო მეტი რაოდენობით პროდუქციის ან სერვისის შეძენას, ვიდრე ამის პრაქტიკული საჭიროება არსებობს.[1] უფრო კონკრეტულად, ესაა მომხმარებლის ხარჯვითი ქცევა, მიმართული ძვირადღირებული პროდუქციის შეძენისკენ, რისი მიზანიც საკუთარი მატერიალური მდგომარეობის საჯარო დემონსტრირებაა. ამ მომხმარებლებისთვის ხარჯვის გზით ეკონომიკური სიძლიერის წარმოჩენა სოციალური სტატუსის მოპოვებას ან უკვე არსებულის შენარჩუნებას ემსახურება.[2][3]

ტერმინის ავტორია თორსტეინ ვებლენი. თვალშისაცემი მოხმარების შესახებ ვებლენის თეორიის განვითარებამ საფუძველი დაუდო შემდეგი ტერმინების ჩამოყალიბებას: გამაღიზიანებელი მოხმარება, პროდუქციის მოჩვენებითი მოხმარება, რისი მიზანიც სხვა ადამიანებში შურის გაღვივებაა; და თვალსაჩინო თანაგრძნობა, ქველმოქმედების გაღება, რაც დონორის უპირატესი სოციო-ეკონომიკური სტატუსის წარმოჩენას და მისი სოციალური პრესტიჟის ამაღლებას ემსახურება.[4]

თვალშისაცემი მოხმარებისგან მომდინარეობს კონსუმერიზმის კონცეფცია.[5]

სქოლიო[რედაქტირება | წყაროს რედაქტირება]

  1. Phillips, Ronnie J. 2014. "Conspicuous consumption." Encyclopedia Britannica.
  2. Veblen, Thorstein (1899). The Theory of the Leisure Class. Project Gutenberg. 
  3. The New Fontana Dictionary of Modern Thought, Third Edition, Alan Bullock, Stephen Trombley, Eds., 1993, p. 162.
  4. West, Patrick (2004). Conspicuous Compassion: Why Sometimes It Really Is Cruel To Be Kind. London: Civitas, Institute for the Study of Civil Society. ISBN 978-1-903386-34-7. 
  5. Kenton, Will. Conspicuous Consumption en.