ვიტილიგო

ვიტილიგო — კანის დაავადება, დერმატოზი, რომელიც გამოწვეულია კანის პიგმენტაციის პროცესის დარღვევით. კანზე წარმოიქმნება დეპიგმენტური ლაქები.

ეტიოლოგია

დაავადების გამომწვევად ითვლება კანის ცალკეული უბნების მიერ პიგმენტის გამომუშავების უნარის დაკარგვა მელანოციტებში ფერმენტ თიროზინაზის არარსებობის გამო, რომელიც ახდენს პიგმენტის წარმოქმის კატალიზებას. დაავადების განვითარებაში გარკვეულს როლს ასრულებს გენეტიკური და ნეიროენდოკრინული ფაქტორები:

ფსიქიკური ტრავმები;
ვეგეტატიური ნერვული სისტემის დარღვევები;
თირკმელზედა ჯირკვლის დისფუნქცია;
ფარისებრი ჯირკვლის დისფუნქცია;
სასქესო ჯირკვლების დისფუნქცია.

სიმპტომები და მიმდინარეობა

დაავადების მიმდინარეობისას კანის სხვადასხვა უბანზე თანდათანობით ჩნდება დეპიგმენტირებული ლაქები, რომლებიც მიდრეკილნი არიან ზრდისა და შერწყმისაკენ. დაზიანებულ ადგილებზე თმები ასევე მოკლებულნი არიან პიგმენტს. დეპიგმენტირებულ უბნებს ახასიათებს მომატებული მგრძნობელობა მზისა და ხელოვნური ულტრაიისფერი სხივებისადმი. დაავადება შეიძლება გამოვლინდეს ნებისმიერ ასაკში. ვიტილიგო არ არის გადამდები დაავადება.

მკურნალობა

ვიტილიგოს სამკურნალოდ გამოიყენება ფოტომასენსიბილიზებელი პრეპარატები შერწყმული:

ულტრაიისფერ დასხივებასთან;
ვიტამინებთან;
კორტიკოსტეროიდული მაზის აპლიკაციებთან;
გამოვლენილი ნეიროენდოკრინული დარღვევების კორექციასთან.

დაავადების მკურნალობა ნაკლებეფექტურია. პროგნოზი განკურნების თვალსაზრისით არაკეთილსაიმედოა. მზის დამწვრობის პროფილაქტიკის მიზნით საჭიროა ხანგრძლივი ინსოლაციის თავიდან აცილება.

გალერეა

ვიტილიგო თეთრკანიან ადამიანზე
ვიტილიგო შავკანიან ადამიანზე

ლიტერატურა

Torello M. Lotti; Vitiligo:Problems and Solutions - Marcel Dekker, May 27, 2004
Mauro Picardo, Alain Taïeb; Vitiligo -Springer, Nov 1, 2009