ელენ ბლექბერნი
| ელენ ბლექბერნი | |
|---|---|
| მშობლიური სახელი | Helen Blackburn |
| დაბადების თარიღი |
25 მაისი, 1842 კუნძული ვალენშია |
| გარდაცვალების თარიღი |
11 იანვარი, 1903 ლონდონი |
ელენ ბლექბერნი (ინგლ. Helen Blackburn; დ. 25 მაისი, 1842 ― გ. 11 იანვარი, 1903) ― ფემინისტი, მწერალი და ქალთა უფლებების დამცველი, განსაკუთრებით, დასაქმების კუთხით. ბლექბერნი რედაქტორობდა ჟურნალ Englishwoman's Review-ს. დაწერა წიგნები ქალი მშრომელებისა და ბრიტანეთსა და ირლანდიაში ქალთა საარჩევნო მოძრაობის ისტორიის შესახებ, რომელიც ამ მიმართულებით „სტანდარტული ნაშრომი“ გახდა.[1] იყო ქალთა საარჩევნო უფლების ეროვნული საზოგადოებისა და დასავლეთ ინგლისის საარჩევნო უფლების საზოგადოების მდივანი, აგრეთვე შრომის თავისუფლების დაცვის ლიგის თანადამფუძნებელი.[2] ლონდონის პარლამენტის მოედანზე მილისენტ ფოუსეტის ქანდაკების კვარცხლბეკზე მისი სახელიცაა დატანილი.
ადრეული წლები[რედაქტირება | წყაროს რედაქტირება]
ბლექბერნი დაიბადა ნაიტსტაუნში, კუნძულ ვალენშიაზე (კერის საგრაფო, ირლანდია), 1842 წლის 25 მაისს.[1] მამამისი, ბეუიკ ბლექბერნი, სამოქალაქო ინჟინერი იყო, რომელიც კუნძულ ვალენშიაზე ფიქლების მაღაროებს განაგებდა. დედას ერქვა იზაბელა ლამბი. 1859 წელს ბლექბერნების ოჯახი ლონდონში გადასახლდა.[3]
გარდაცვალება[რედაქტირება | წყაროს რედაქტირება]
ბლექბერნი გარდაიცვალა უესტმინსტერში (ლონდონი), 1903 წლის 11 იანვარს, 60 წლის ასაკში. დაკრძალულია ბრომპტონის სასაფლაოზე. თავისი არქივები და წიგნების კოლექცია კემბრიჯის გირტონის კოლეჯს დაუტოვა.[4] მისი ანდერძის მიხედვით, ახალგაზრდა ქალების მომზადებისთვის დაარსდა ფონდი.[3]
2018 წელს პარლამენტის მოედანზე მილისენტ ფოუსეტის ქანდაკება გაიხსნა, რომლის კვარცხლბეკზე ელენ ბლექბერნის სახელი სხვა სუფრაჟისტი ქალების სახელებთან ერთადაა დატანილი.[5][6][7]
ნაშრომები[რედაქტირება | წყაროს რედაქტირება]
ბლექბერნის წიგნებს შორისაა:
- A Handbook for Women Engaged in Social and Political Work, 1881.
- A Handy Book of Reference for Irishwomen, 1888.
- The Condition of Working Women and the Factory Acts, რედაქტორი ჯესი ბუჩერეტთან ერთად, 1896.
- Women under the Factory Acts, ნორა ვინისთან ერთად, 1903.
- Women's suffrage: a record of the women's suffrage movement in the British Isles, with biographical sketches of Miss Becker, 1902.
სქოლიო[რედაქტირება | წყაროს რედაქტირება]
- ↑ 1.0 1.1 O'Neill, Marie (31 October 1984). „The Dublin Women's Suffrage Association and its successors“. Dublin Historical Record. XXXVIII (4): 128.
- ↑ Blackburn, Helen | Dictionary of Irish Biography en. ციტირების თარიღი: 2022-11-29
- ↑ 3.0 3.1 Smith 1912.
- ↑ Elizabeth Crawford (2001). The Women's Suffrage Movement: A Reference Guide, 1866–1928. London: Routledge, გვ. 90. ISBN 0415239265.
- ↑ Historic statue of suffragist leader Millicent Fawcett unveiled in Parliament Square. Gov.uk (24 April 2018). ციტირების თარიღი: 24 April 2018
- ↑ Topping, Alexandra (24 April 2018). „First statue of a woman in Parliament Square unveiled“. The Guardian. ციტირების თარიღი: 24 April 2018.
- ↑ Millicent Fawcett statue unveiling: the women and men whose names will be on the plinth. iNews (24 April 2018). ციტირების თარიღი: 2018-04-25