ედვარდ ჰალიფაქსი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ედვარდ ჰალიფაქსი 1937 წელს

ედუარდ ფრედერიკ ლინდლი ვუდ ჰალიფაქსი ჰელიფექსი (Edward Frederick Lindley Wood, 1. Earl of Halifax) — 1925 წლიდან ბარონი ირვინი (Irwin) (დ. 16 აპრილი, 1881, პაუდერემი, დევონშირის საგრაფო — გ. 23 დეკემბერი, 1959, იორკი), ინგლისის სახელმწიფო მოღვაწე. 1910 პარლამენტის წევრი კონსერვატორიული პარტიიდან.

1922-1924, 1932-1935 განათლების, 1924-1925 სოფლის მეურნეობის მინისტრი. 1926-1931 ინდოეთის ვიცე-მეფე; ახშობდა ეროვნულ-განმათავისუფლებელ მოძრაობას. 1935-1937 ბეჭდის მცველი ლორდი; 1935-1938 ლორდთა პალატის ლიდერი და პრემიერ-მინისტრის მოადგილე. 1938-1940 საგარეო საქმეთა მინისტრი. 1937 ნოემბერს მოლაპარაკებას აწარმოებდა ჰიტლერთან და წამოაყენა საბჭოეთის წინააღმდეგ მიმართული ინგლის-გერმანიის შეთანხმებათა პროგრამა. 1941-1946 წლებში იყო ელჩი აშშ-ში.

ლიტერატურა[რედაქტირება]

  • ქსე, ტ. 11, გვ. 595, თბ., 1987