დრაგან ჯაიჩი

დრაგან ჯაიჩი

დრაგან ჯაიჩი, 1970 წელი
პირადი მონაცემები
დაბადების თარიღი	30 მაისი, 1946
დაბადების ადგილი	უბი, იუგოსლავიის სფრ
სიმაღლე	177 სმ
სათამაშო პოზიცია	ნახევარმცველი
ახალგაზრდული კარიერა
1961–1963	„ცრვენა ზვეზდა“
პროფესიონალური კარიერა*
წლები	გუნდი	მატჩი	(გოლი)
1963–1975	„ცრვენა ზვეზდა“	590	(365)
1975–1977	„ბასტია“	56	(31)
1977–1978	„ცრვენა ზვეზდა“	25	(5)
ეროვნული ნაკრები
1964–1978	იუგოსლავია	85	(23)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

დრაგან ჯაიჩი (სერბ. Драган Џајић; დ. 30 მაისი, 1946) — სერბი ფეხბურთელი. თამაშობდა იუგოსლავიის ეროვნულ ნაკრებში, ასევე საფეხბურთო კლუბებში: „ცრვენა ზვეზდა“ და „ბასტია“. მიიჩნევა იუგოსლავიის ერთ-ერთ საუკეთესო ფეხბურთელად.

საკლუბო კარიერა

ჯაიჩმა კარიერის უმეტესი ნაწილი „ცრვენა ზვეზდაში“ გაატარა, სადაც ის გუნდის მთავარი ვარსკვლავი იყო. ითვლებოდა სერბული ფეხბურთის „ოქროს ეპოქის“ ლიდერად. საერთო ჯამში „ცრვენა ზვეზდას“ მაისურით 391 მატჩში ითამაშა და 113 გოლი გაიტანა. მისი მონაწილეობით კლუბმა არაერთი ეროვნული ტიტული მოიპოვა, მათ შორის ხუთჯერ იუგოსლავიის ჩემპიონატი და ოთხჯერ იუგოსლავიის თასი.

გამოირჩეოდა კარგი დრიბლინგით. ბურთის კონტროლი და ტექნიკა მას საშუალებას აძლევდა ადვილად გაევლო მეტოქეთა დაცვა. ითვლებოდა ერთ-ერთ საუკეთესო მოთამაშედ ფლანგიდან ჩაწოდების კუთხით, რომლის პასების შემდეგ თანაგუნდელები ხშირად აღწევდნენ შედეგს. მიუხედავად იმისა, რომ ის ძირითადად მარცხენა ფლანგზე თამაშობდა, ჯაიჩს შესანიშნავი დარტყმის უნარი ჰქონდა და ხშირად გაჰქონდა გადამწყვეტი გოლები.

აღიარებულია, ბალკანური ფეხბურთის ერთ-ერთ საუკეთესო მოთამაშედ, რომელმაც დიდ წარმატებას მიაღწია როგორც კლუბში, ისე ეროვნულ ნაკრებში. „ცრვენა ზვეზდას“ გულშემატკივრებისთვის ჯაიჩი ყველა დროის უდიდეს ვარსკვლავად და კლუბის ისტორიის სიმბოლოდ ითვლება.

სანაკრებო კარიერა

დრაგან ჯაიჩმა ნაკრებთან ერთად 1968 წლის ევროპის ჩემპიონატზე მეორე ადგილი დაიკავა, თავად კი ტურნირის საუკეთესო ფეხბურთელად დასახელდა.

მიღწევები

საკლუბო

„ცრვენა ზვეზდა“

• იუგოსლავიის პირველი ლიგა (5): 1963–64, 1967–68, 1968–69, 1969–70, 1972–73
• იუგოსლავიის თასი (4): 1963–64, 1967–68, 1969–70, 1970–71

ეროვნული

იუგოსლავია

• ევროპის საფეხბურთო ჩემპიონატი:
  • მეორე ადგილი (1): იტალია 1968
• ხმელთაშუა ზღვის თამაშები (1): იზმირი 1971

რესურსები ინტერნეტში

• შეგიძლიათ იხილოთ მედიაფაილები თემაზე „დრაგან ჯაიჩი“ ვიკისაწყობში.
• დრაგან ჯაიჩი დაარქივებული 2013-09-25 საიტზე Wayback Machine. „ცრვენა ზვეზდას“ საიტზე.