გიულსუნ საღლამერი

მასალა ვიკიპედიიდან — თავისუფალი ენციკლოპედია
Jump to navigation Jump to search
გიულსუნ საღლამერი
დაბ. თარიღი 1945
დაბ. ადგილი ტრაპიზონი, თურქეთი
მოქალაქეობა Flag of Turkey.svg თურქეთი
ეროვნება თურქები
მუშაობის ადგილი სტამბოლის ტექნიკური უნივერსიტეტი
ალმა-მატერი სტამბოლის ტექნიკური უნივერსიტეტი

გიულსუნ საღლამერი (თურქ. Gülsün Sağlamer; დ. 1945, ტრაპიზონი, თურქეთი) — თურქი არქიტექტორი, აკადემიკოსი.

ბიოგრაფია[რედაქტირება | წყაროს რედაქტირება]

საღლამერი დაიბადა 1945 წელს, ტრაპიზონში. მის მშობლიურ ქალაქში დაწყებითი და საშუალო განათლების მიღების შემდეგ, მან სტამბოლის ტექნიკური უნივერსიტეტის (ITU) არქიტექტურის სკოლაში ჩააბარა. თავისი სადოქტორო კვლევები, 1975-1976 წლებში, დიდ ბრიტანეთში, კემბრიჯის უნივერსიტეტის არქიტექტურის ფაკულტეტზე, მარტინის ცენტში ჩაატარა.[1]

შემდგომში, ის დაბრუნდა სტამბოლში. 1978 წელს, იგი სტამბოლის ტექნიკური უნივერსიტეტის ასოცირებული პროფესორი და 1988 წელს სრული პროფესორი გახდა. 1993-1995 წლებში, ჩრდილოეთ ირლანდიის ბელფასტის დედოფლის უნივერსიტეტში მოწვეული პროფესორი იყო.[2]

1996-2004 წლებში, ის აირჩიეს სტამბოლის ტექნიკური უნივერსიტეტის რექტორად.[3] ასე, იგი თურქეთში პირველი ქალი რექტორი გახდა. არის ევროპის ქალ-რექტორთა ასოციაციის პრეზიდენტი. 2005-2009 წლებში, აირჩიეს ევროპის უნივერსიტეტთა ასოციაციის (EUA) მმართველთა საბჭოში. მოგვიანებით, იგი აირჩიეს ქადირ ჰასის უნივერსიტეტის სამეურვეო საბჭოში და თურქეთის ტექნოლოგიისა და ტექნოპარკების პრეზიდენტად.[4] ამჟამად იგი გაზეთ „ღია სახლის“ სარედაქციო კოლეგიის წევრია.

სქოლიო[რედაქტირება | წყაროს რედაქტირება]