გარეული იხვის ვარსკვლავთგროვა

გარეული იხვის ნისლეული

გარეული იხვის ვარსკვლავთგროვა (აგრეთვე ცნობილი როგორც მესიე 11 ან NGC 6705) — ღია ვარსკვლავთგროვა ფარის თანავარსკვლავედის მიმართულებით; 1681 წელს აღმოაჩინა გერმანელმა ასტრონომმა გოტფრიდ კირხმა. 1764 წელს ის თავის კატალოგში შეიტანა ფრანგმა ასტრონომმა შარლ მესიემ.

ღია ვარსკვლავთგროვებს შორის, გარეული იხვის ნისლეული ერთ-ერთი უმდიდრესი და ყველაზე კომპაქტურია, შეიცავს დაახლოებით 2900 ვარსკვლავს. მის ასაკად 250 მილიონი წელი მოიაზრება. სახელი მომდინარეობს ყველაზე მისი კაშკაშა ვარსკვლავისგან, რომელიც სამკუთხედს წარმოქმნის და რომელიც, გაფრენილ გარეულ იხვთა გუნდს წააგავს.

მახასიათებლები

ვარსკვლავთგროვა საკმაოდ მჭირდოა; ვარსკვლავებს შორის მანძილი მასში მხოლოდ 1 სინათლის წელია. ძირითადად შედგება ძალიან კაშკაშა ყვითელი გიგანტებისაგან. ყველაზე კაშკაშა ვარსკვლავის ხილული ვარსკვლავიერი სიდიდეა 8,5.

გალერეა

• 
  სურათის ცენტრში არსებული ცისფერი ვარსკვლავები, ახალგაზრდა, ცხელი ვარსკვლავებია.
• 
  M11-ის ხილვა ბინოკლის საშუალებითაცაა შესაძლებელი.

რესურსები ინტერნეტში

ვიკისაწყობში არის გვერდი თემაზე:

Wild Duck Cluster

• Messier 11, SEDS Messier pages
• Messier 11, Wild Duck Cluster დაარქივებული 2014-05-17 საიტზე Wayback Machine.
• Messier 11 - LRGB result based on 2 hrs total data