Breaking Benjamin

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Breaking Benjamin-ის კონცერტი, 2007 წლის თებერვალი, საკონცერტო დარბაზი Stabler Arena.

Breaking Benjamin — ამერიკული როკ-ჯგუფი ჩრდილოეთ პენსილვანიის შტატიდან. ჯგუფის წევრები არიან ბენ ბერნლი, აარონ ფინკი, მარკ კლეპასკი და ჩედ ზელიგა. ჯგუფმა გამოუშვა ოთხი ალბომი. მათი მუსიკა ყველაზე ხშირად კლასიფიცირდება როგორც ალტერნატიული როკი და პოსტ გრანჟი.

ბიოგრაფია[რედაქტირება]

ჯგუფი Breaking Benjamin შეიქმნა 1998 წლის მიწურულს ქალაქში Wilkes Barre, პენსილვანიის შტატი. თავდაპირველად ჯგუფი შედგებოდა ორი წევრისაგან ესენი იყვნენ ბენ ბერნლი (Benjamin Burnley) და ჯერემი ჰამელი(Jeremy Hammel), რომლებიც ხშირად უკრავდნენ სხვადასხვა წვეულებებზე, კლუბებში და მშობლური ქალაქის კაფეებში, ასრულებდნენ ისეთი ჯგუფების სიმღერებს როგორებიცაა, Nirvana, Deftones, Nine Inch Nails და Depeche Mode. წყვილში დაკვრა ყოველთვის მოუხერხებელი იყო, ამიტომაც მათ ხშირად მეგობრების დახმარება სჭირდებოდათ. ასე გამოვიდა, რომ ბენის და ჯერემის ორი თანაკლასელი - აარონ ფინკი(Aaron Fink) და მარკ კლეპასკი(Mark James) თავის გუნდთან ერთად Strangers With Candy გამოჩნდნენ დიდ ბიზნესში, მათ გაიმარჯვეს ერთ-ერთ შოუზე სადაც შეასრულეს სიმღერა Nooke ჯგუფის Limp Bizkit. ჯგუფმა გააფორმა კონტრაქტი Universal-თან ალბომის გამოშვებაზე და ტურნეზე ქვეყნის მასშტაბით. ასევე შეიცვალა ჯგუფის სახელწოდება და დაერქვა Lifer. 2001 წელს ჯგუფმა Lifer მაინც ჩაწერა თავისი სადებიუტო ალბომი და გაემგზავრნენ კონცერტების ჩასატარებლად, მაგრამ რამდენიმე ხნის შემდეგ ისინი მიხვდნენ - მათი ალბომი - ჩავარდა. Lifer-ის დებიუტი გაკრიტიკებული იყო ყველას მიერ, მათ კონცერტებზე ძირითადად დადიოდნენ Limp Bizkit-ის ფანები, იმ მოლოდინით, რომ თავისი საყვარელი ჯგუფის სიმღერებს მოისმენდნენ. ჯგუფის წევრებმა მიიღეს გადაწყვეტილება, რომ თავისი დაწერილი სიმღერები შეესრულებინათ, რომლებიც ბენს მრავლად ჰქონდა. სკოლაში სწავლის დროს ბენმა დაიწყო საკუთარი სიმღერების წერა. დაახლოებით მაგ დროისთვის შეიქმნა სიმღერა Polyamorous. ჯგუფი ხშირად მართავდა კონცერტებს ქალაქში Wilkes Barre. ერთ-ერთ კონცერტს ესწრებოდა როკერებისთვის საპატაივსაცემო ადამიანი, რომელიც მუშაობდა რადიოში WBSX - FM ფრედი ფაბრი. მან ჩაიწერა კონცერტიდან სიმღერა Polyamorous, რომელიც რადიოში გააჟღერა. ხალხმა დადებითად შეაფასა სიმღერა, ამის შემდეგ, მან გადაწყვიტა დახმარებოდა ბენს და მის მეგობრებს თავისი სადებიუტო დისკის გამოშვებაში. Breaking Benjamin EP ჩაიწერა 2001 წლის შემოდგომას, მისი ტირაჟი შეადგენდა 2000 დისკს ჩრდილოეთ პენსილვანიაში, რომელიც მალევე დაიტაცეს. ჯგუფს Breaking Benjamin ყურადღება მიაქცია - ლეიბლმა Hollywood Records. ერთობლივი მუშაობის შედეგად Hollywood Records-თან გადაიღეს მუსიკალური ვიდეო სიმღერაზე Polyamorous, რომელიც ხშირი სტუმარი გახდა ტელევიზიების, MTV და VH1. ბენმა და მისმა მეგობრებმა გადაწყვიტეს ახალი ალბომის გამოშვება, 2002 წლის დასაწყისში დაიწყო მუშაობა ახალ ალბომზე. ასე შეიქმნა Saturate. ჯგუფისთვის დიდ სირთულეს არ წარმოადგენდა ამ ალბომის ჩაწერა, რადგან ყველა სიმღერა უკვე, მრავალჯერ, ჰქონდათ შესრულებული კონცერტებზე.

მეორე ალბომი We Are Not Alone მუსიკოსებმა გამოუშვეს ორი წლის შემდეგ. მალევე, ჯგუფი Breaking Benjamin გამეგზავრა გასტროლებზე Evanescence-თან ერთად. სიმღერამ So Cold დიდი როლი ითამაშა ალბომში We Are Not Alone, Breaking Benjamin-ის ფანებს ისე მოეწონათ ეს სიმღერა, რომ ჯგუფმა გამოუშვა სინგლი თემაზე So Cold, ამ ნაბიჯით ჯგუფის რეიტინგი საგრძნობლად გაიზარდა.

ამავე დროს ჯგუფი წერს საუნდტრეკს კომპიუტერული თამაშისთვის - Halo.

გარდა ამისა, სიმღერებზე So Cold და Follow Me გააკეთეს სამოყვარულო კლიპები, ამან ჯგუფს დიდი პოპულარობა მოუტანა.

2004 წლის სექტემბერში ჯგუფიდან მიდის ჯერემი ჰამელი(Jeremy Hammel), რომელიც დასარტყამ ინსტრუმენტებზე უკრავდა, მალევე ის შეცვალა ჩად ზელიგამ(Chad Szeliga).

მოგვიანებით, 2005 წლის 28 სექტემბერს, ჯერემი ჰამელი მიმართავს ფედერალურ სასამართლოს სარჩელით, რომელსაც იგი ამზადებდა Breaking Benjamin-ის წინააღმდეგ, იმიტომ რომ მან ვერ მიიღო ფული სიმღერისთვის, რომელიც მან დაწერა. ამის გამო ჯერემი ჰამელი ითხოვდა რვა მილიონ დოლარს, მაგრამ 2006 წლის 25 ოქტომბერს სასამართლომ გააუქმა მისი სარჩელი.

2006 წელს ჯგუფი უშვებს თავის მესამე ალბომს სახელწოდებით Phobia და იწყებს ჩარტებს დაბყრობას. ამავე წლის ზაფხულში ჯგუფი უშვებს პირველ სინგლს ახალი ალბომიდან - The Diary of Jane. სინგლი შევიდა საუკეთესო ათეულში, კატეგორიით მოდერნ-როკი Billboard-ის ვერსიით.

მოგვიანებით 2007 წლის გაზაფხულზე გამოდის მეორე სინგლი - Breath. ამავე წელს გამოდის მესამე, ბოლო სინგლი - Until the End.

2007 წლის თებერვალში საკონცერტო დარბაზში Stabler Arena ჩაიწერა მათი კონცერტი და გაყიდვაში გამოვიდა DVD დისკი სახელწოდებით Live - The Homecoming, მისი ხანგრძლივობა შეადგენს ერთ საათს. ეს არის პირველი კონცერტი Breaking Benjamin-ის, რომელიც ოფიციალურად გამოვიდა DVD-ზე.

2008 წელს Breaking Benjamin შეუდგა ახალი მეოთხე ალბომის ჩაწერას. პროდიუსერი არის დევიდ ბენდეტი(David Bendeth), იგი იყო ბოლო ორი ალბომის პროდიუსერიც, We Are Not Alone და Phobia.

2009 წლის 14 ივლისს ჯგუფის წევრებმა დაადასტურეს, რომ მათ ახალ ალბომში Dear Agony იქნება 11 სიმღერა. 28 ივლისს, დევიდ ბენდეტმა განაცხადა, რომ პირველი სინგლი სახელწოდებით "I Will Not Bow" გაიჟღერებს რადიოში 17 აგვისტოს, და ხელმისაწვდომი გახდება ონლაინ მაღაზიაში iTunes 1-ლი სექტემბრიდან. ახალი ალბომი Dear Agony გაყიდვაში გამოვა 29 სექტემბერს.

წევრები[რედაქტირება]

დისკოგრაფია[რედაქტირება]

Searchtool-80%.png მთავარი სტატია : Breaking Benjamin-ის დისკოგრაფია.

რესურსები ინტერნეტში[რედაქტირება]

მოძიებულია „http://ka.wikipedia.org/w/index.php?title=Breaking_Benjamin&oldid=2642191“-დან