შუა ერმანის პირველი კოშკი
შუა ერმანის პირველი კოშკი — არქიტექტურული ძეგლი, საფორტიფიკაციო ნაგებობა ჯავის მუნიციპალიტეტის სოფელ შუა ერმანში. აგებულია გვიან შუა საუკუნეებში.
კოშკი ნაგებია სხვადასხვა ზომის ფლეთილი ქვით. გეგმაში ოთხკუთხაა. შემორჩენილია ოთხი სართული. სამხრეთ-აღმოსავლეთი კუთხე ჩამონგრეულია. სამხრეთით, მეორე სართულზე გაჭრილია თაღოვანი კარი. კოშკის გარშემო ყრია ჩამონაშალი ქვა და იკითხება კედლის ფრაგმენტები.
ლიტერატურა[რედაქტირება | წყაროს რედაქტირება]
- შიდა ქართლი, ჯავის რაიონის არქიტექტურული მემკვიდრეობა, ტ. III, თბ., 2004