ფილიპე (ჰიმნოგრაფი)
ფილიპე — X საუკუნის ქართველი ჰიმნოგრაფი. ავტორია ღვთისმშობლისადმი მიძღვნილი თექვსმეტმარცვლიანი ცამეტსტრიქონიანი აკროსტიქული იამბიკოსი (კიდურწერილობა: „ფილიპე ბეთლემი“). პირველად აქ გვხვდება თექვსმეტმარცვლიანი შაირის საზომი, რომელიც შემდგომში გამოიყენა საერო მწერლობამ. ფილიპეს იამბიკო სინის მთის ხელნაწერებში გამოავლინა ნიკო მარმა, მანვე გამოსცა პირველად ტექსტი (1910).
ლიტერატურა[რედაქტირება | წყაროს რედაქტირება]
- ინგოროყვა პ., ძველ-ქართული სასულიერო პოეზია, წგნ. 1, ტფ., 1913;
- მისივე, გიორგი მერჩულე, თბ., 1954;
- კეკელიძე კ., ქართული ლიტერატურის ისტორია, ტ. 1, თბ., 1960
- ონიანი შ., ქართული საბჭოთა ენციკლოპედია, ტ. 10, თბ., 1986. — გვ. 302.