საცრიანი მილები

საცრიანი მილები, ცხაური მილები — ყვავილოვან მცენარეთა გამტარი ელემენტები; წაგრძელებული უჯრედების გასწვრივი ჭიმები. უჯრედებს შორის განლაგებულია საცრისებრი ფირფიტები, რომელთა მრავალრიცხოვანი ხვრელი ამოფენილია კალოზით. საცრიანი მილების ყოველ ნაწევარს თან ახლავს თანამგზავრი უჯრედების ჭიმები. საცრიანი მილების განვითარებისას უჯრედებში ტონოპლასტი იშლება, ციტოპლაზმა შეერევა უჯრედის წვენს, ხდება ორგანელებისა და ბირთვის დეგენარაცია. სავეგეტაციო პერიოდის დასასრულს საცრისებრი ფირფიტის ხვრელები იხშობა კალოზით. როდესაც საცრიანი მილები შეწყვეტს მოქმედებას, დეფორმირდება და ობლიტერაციას განიცდის.

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 215.