როსტომიანი (S-1580)

როსტომიანის ქართული ხელნაწერი S-1580 შესრულებულია XVII საუკუნეში. დღეს დაცულია საქართველოს ხელნაწერთა ეროვნული ცენტრის S ფონდში. შინაარსობრივად წარმოადგენს "შაჰ-ნამეს" (მეფეთა წიგნის) ნაწილს ქართულ ენაზე.

საწერ მასალად გამოყენებულია ქაღალდი. შეიცავს 487 ფურცელს, რომელთა ზომებია 39,5X25,5 სანტიმეტრი. ზოგიერთი ქაღალდი ჭვირნიშნიანია. ნაწერია მხედრული დამწერლობით, შავი მელნით; სათაურები და აბზაცების დასაწყისები შესრულებულია სინგურით. აქვს თავკაზმულობა. ხელნაწერის მეორე ნაწილი შეიცავს მინიატიურებს.

ლიტერატურა[რედაქტირება | წყაროს რედაქტირება]

ქართული ხელნაწერი წიგნი, V-XIX საუკუნეები, თბილისი, 2012, გვ. 108