მასალა ვიკიპედიიდან — თავისუფალი ენციკლოპედია
პეგასი (ლათ. Pegasus) — თევზების გვარი პეგასისებრთა ოჯახისა. მათი სხეულის სიგრძეა 18 სმ-მდე. ცნობილია 4 სახეობა.[1] გავრცელებული არიან ინდოეთის ოკეანესა და წყნარი ოკეანის დასავლეთ ნაწილში (აღმოსავლეთ აფრიკიდან იაპონიამდე და სამხრეთ-აღმოსავლეთ ავსტრალიამდე), სანაპირო წყლებში. ზღვის მელებისა და ნემსთევზასებრთა მსგავსად, პეგასებს დიდი ძვლოვანი ფირფიტებისაგან განვითარებული აქვთ ჯავშანი (მუცლის ნაწილში ისინი მყარადაა შეერთებული, კუდისაში — მოძრავად). დინგი ძლიერ გამოწეულია, პირი პატარა, უკბილო. მკერდის ფარფლის აგებულება ძალიან თავისებურია (ამიტომ უწოდა შვედმა ნატურალისტმა კარლ ლინემ მათ მითური პეგასის სახელი). სამხრეთ-აღმოსავლეთ აზიაში ვაჭრობის ობიექტია გამომშრალი სახით (იყენებენ ავგაროზებად). ყველაზე მეტად ცნობილია მოკლეკუდა პეგასი (Pegasus volitans).
