ნიკო ლომოურის სახლ-მუზეუმი

ნიკო ლომოურის სახლ-მუზეუმი — გორის ისტორიულ-ეთნოგრაფიული მუზეუმის ფილიალი, ისტორიული ძეგლი გორის მუნიციპალიტეტის სოფელ არბოში. დგას შუა სოფელში.

მუზეუმი ერთსართულიანია, ოროთახიანი. ერთ ოთახში გამოფენილია მწერლის ცხოვრებისა და მოღვაწეობის ამსახველი ფოტომასალა, მემორიალური ნივთები, მეორეში კი სოფლის ბიბლიოთეკაა. ქართველი მწერალი, პედაგოგი და საზოგადო მოღვაწე ნიკო ლომოური დაიბადა ამ სახლში 1852 წლის 19 თებერვალს და ცხოვრობდა 1860 წლამდე.

ლიტერატურა

• ყაზახიშვილი ლ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 44.

რესურსები ინტერნეტში

•  კულტურული მემკვიდრეობის პორტალი, № 5875