ნამგალი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ჩვეულებრივი ნამგალი

ნამგალი — მცენარეთა მოჭრის საშუალება. ნამგლისა და ცელის სიმბოლიკა დროთა სიღრმეში გადაჯაჭვულია, რის გამოც ხანდახან ძნელია მათი გამიჯვნა: იმის თქმა შესაძლებელია, უშორეს წარსულშინ ამგალა მთვარის კვდომა-აღორძინებამ, განლევამ და შემდგომმა სისავსემ ორაზროვანი სიმბოლიკა შესძინა ღამის მნათობს მიმსგავსებულ საგნებს. ერთი ამ საგანთაგან ნამგალი იყო და საფიქრებელია, მისი სიმბოლიკა იმ დროს შეიქმნა, როდესაც თავად ნამგალი კაჟისა იყო. ფუნქციონალური დანიშნულება და ასტრალური ორეულისარსებობა, უკვე თავისთავად განპირობებულიანამგლის სიმბოლიკის ორსაწყისიანობას: ერთი მხრივ, ეს სამეურნეო იარაღი სრულიად ლოგიკურად განასახიერებდა უხვ მოსავალს, ხოლო მეორე მხრივ — სიკვდილსა და არყოფნას. სწორედ ამ სიმბოლური მნიშვნელობით შეენაცვლა მას შემდგომ ცელი (სახვით ხელოვნებაში სიკვდილი, მეტწილად, სწორედ უმოწყალო, ცელმომარჯვებულ მთიბველად არის წარმოსახული).

ნამგალი ბერძნულ მითოლოგიურ სამყაროშოი კრონოსს (რომაელებთან — სატურნს) დაუკავშირდა. აქაც — წინარეელინურ ეპოქაში ნაყოფიერებას განასახიერებდა, შემდგომ კი — დროის ულმობელ წარმავლობას.

ძნელი დასაჯერებელია, რომ ამ მითოლოგიურ ნიუანსებზე ეფიქრათ ბოლშევიზმის ბელადებს, როდესაც საბჭოთა რუსეთის ძირითად ემბლემად გადაჯვარედინებული ნამგლისა და უროს გამოსახულება აირჩიეს: ფატალური კანონზომიერებით, ამ ნამგალმასულ რამდენიმე წლის შემდგომ, მოსხიპა მილიონობით გლეხკაცი, რომელთა ვიზუალურ სიმბოლოსაც ის წარმოადგენდა მუშურ-გლეხური სახელმწიფოს გერბში.

ლიტერატურა[რედაქტირება]

  • სიმბოლოთა ილუსტრირებული ენციკლობედია". ავტორები: ზაზა აბზიანიძე, ქეთევან ელაშვილი.