მამია დუდუჩავა

მამია დუდუჩავა
დაბ. თარიღი	14 აგვისტო, 1911(1911-08-14)
გარდ. თარიღი	8 მაისი, 1980(1980-05-08) (68 წლის)
მოქალაქეობა	რუსეთის იმპერია  საქართველოს დემოკრატიული რესპუბლიკა საქართველოს სსრ
საქმიანობა	ლიტერატურათმცოდნე და ხელოვნებათმცოდნე
ჯილდოები	საქართველოს სსრ-ის მეცნიერებათა დამსახურებული მოღვაწე და საქართველოს სსრ-ის ხელოვნების დამსახურებული მოღვაწე

მამია დუდუჩავა (დ. 14 აგვისტო, 1911, ქვემო ხეთი, ჩოხატაურის მუნიციპალიტეტი— გ. 1980)— ქართველი ლიტერატურათმცოდნე და ხელოვნებათმცოდნე, ფილოლოგიის მეცნიერებათა დოქტორი.

ბიოგრაფია

დაიბადა 1911 წლის 14 აგვისტოს ჩოხატაურის რაიონში, სოფელ ქვემო ხეთში. 1931 წელს დაამთავრა თბილისის ალექსანდრე პუშკინის სახელობის პედაგოგიური ინსტიტუტის ქართული ენისა და ლიტერატურის ფაკულტეტი.
1944-1947წწ. იყო თბილისის ზ. ფალიაშვილის სახელობის ოპერისა და ბალეტის სახელმწიფო თეატრის დირექტორი; 1948-1952წწ. თბილისის სამხატვრო აკადემიის რექტორი; 1952 წლიდან შოთა რუსთაველის სახელობის ქართული ლიტერატურის ინსტიტუტის უფროსი მეცნიერ თანამშრომელი; 1954 წლიდან ლიტერატურის თეორიის განყოფილების ხელმძღვანელი; წერდა კრიტიკულ წერილებს, მონოგრაფიებსა და ნარკვევებს ახალი ქართული ლიტერატურისა და ხელოვნების ისტორიის საკითხებზე.

სამეცნიერო ნაშრომები

• ქართული საბჭოთა ფერწერა (1939)
• გიგო გაბაშვილი (1946)
• ახალი ქართული ხელოვნება (1950)
• ხელოვნების პრობლემები (1959)
• შოთა რუსთაველის ესთეტიკური ნააზრევი (1966)

ჯილდოები, პრემიები

• 1969 - საქართველოს მეცნიერებათა დამსახურებული მოღვაწე
• 1965 - საქართველოს ხელოვნების დამსახურებული მოღვაწე

რესურსები ინტერნეტში

• მამია დუდუჩავა — საქართველოს ბიოგრაფიული ლექსიკონი