კავკასიური გოჭალა (ლათ.Barbatula barbatula caucasicus) — თევზი გოჭალასებრთა ოჯახისა. კავკასიის ენდემი. ლევ ბერგი და სხვა მეცნიერები მას განიხილავენ როგორც განსაკუთრებულ ქვესახეობას (1949). მაქსიმალური სიგრძე 9 სმ, მასა — 5 გ. მტკნარი წყლის თევზია. ბინადრობს ტბებსა და წყალსაცავებში, შლამიან და ქვა-ქვიშიან ადგილებში. მრავლდება ივნისიდან სექტემბრამდე, სქესობრივად მწიფდება 2–4 წლის ასაკში, მისი ნაყოფიერება აღწევს 2000–3000 ქვირითს. იკვებება წყალმცენარეებით, ბენთოსითა და პლანქტონით. საქართველოში გვხვდება თითქმის ყველა წყალსაცავსა და მდინარეში.[1][2]