იაპონური ჩხირისებრი ფარიანა (ლათ.Lopholeucaspis japonica), მწუწნავი მწერიკოქციდების ქვერიგისა. სუბტროპიკული კულტურების მავნებელია. აზიანებს აგრეთვე თესლოვან და კურლოვან ხეხილს, დედალს სხეული მთლიანად დაფარული აქვს მონაცრისფრო ფარით, ფარქვეშ კი იისფერია. მამალი ფრთიანია, იაპონური ჩხირისებრი ფარიანა იმდენად პატარაა (1,5 მმ), რომ ძნელად შესამჩნევია მცენარეზე. წლის განმავლობაში ორი თაობა ვითარდება, დედალი კვერცხის დებას იწყენს მაისის პირველ რიცხვებში (დებს 40-60 კვერცხს). მატლის გამოჩეკა იწყება მაისის შუა რიცხვებიდან და გრძელდება ივნისში, მეორე თაობისა კი — აგვისტოში. იაპონური ჩხირისებრი ფარიანა აზიანებს შტამბსა და ტოტებს. დაზიანებულ მცენარეს სცვივა ფოთოლი, ნაყოფი და ხმება. მწერის მოსასპობად მიმართავენ ფუმიგაციას, პესტიციდების შესხურებას და სხვა.
