თემურ ფალავანდიშვილი

თემურ ფალავანდიშვილი
დაბადების თარიღი	26 მაისი, 1940 თბილისი
მოქალაქეობა	სსრკ  საქართველო
საქმიანობა	კინორეჟისორი

თემურ ფალავანდიშვილი — (დ. 26 მაისი, 1940, თბილისი) — ქართველი კინორეჟისორი, სცენარისტი, საქართველოს კინემატოგრაფისტთა შემოქმედებითი კავშირის წევრი.

ბიოგრაფია

დაიბადა 1940 წლის 26 მაისს თბილისში. 1965 წელს დაამთავრა მოსკოვის საკავშირო კინემატოგრაფიის ინსტიტუტის სარეჟისორო ფაკულტეტი. იმავე წლიდან მუშაობა დაიწყო კინოსტუდია „ქართულ ფილმში“ რეჟისორად. 1992-1994 წლებში იყო სახელმწიფო კინოკონცერნის ვიცე-პრეზიდენტი, 1994-2000 წწ. — სს „ქართული ფილმის“ დირექტორი, 2000-2007 წწ. — დირექტორის მოადგილე.

თემურ ფალავანდიშვილი აქტიურ პედაგოგიურ მოღვაწეობას ეწეოდა საქართველოს თეატრისა და კინოს სახელმწიფო უნივერსიტეტში. დამდგმელი რეჟისორია ფილმების: „მიმინო“ (1965), „ჩამავალი მზე“ (1970), „გოგონა და ჯარისკაცი“ (1970), „მზე შემოდგომისა“ (1973) „რაჭა ჩემო სიყვარულო“ (1977), „ოჰ, ეს საშინელი, საშინელი ტელევიზორი“ (1990) და სხვა. სცენარის ავტორია ფილმების: „ჩამავალი მზე“ (1970), „ოჰ, ეს საშინელი, საშინელი ტელევიზორი“ (1990).

ფილმოგრაფია

დამდგმელი რეჟისორი

• 1965 — „მიმინო“ (მოკლემეტრაჟიანი)
• 1970 — „ჩამავალი მზე“
• 1970 — „გოგონა და ჯარისკაცი“ (მოკლემეტრაჟიანი)
• 1973 — „მზე შემოდგომისა“
• 1975 — „მოხეტიალე რაინდები“
• 1972 — „თეთრი ქვები“
• 1974 — „წყარო გზის პირას“ (კინონოველა)
• 1977 — „რაჭა ჩემო სიყვარულო“
• 1980 — „წერილები ბამიდან“
• 1983 — „ჯადოსნური ღამე“
• 1986 — „ახალი არკადია“
• 1990 — „ოჰ, ეს საშინელი, საშინელი ტელევიზორი“

სცენარის ავტორი

• 1970 — „ჩამავალი მზე“
• 1990 — „ოჰ, ეს საშინელი, საშინელი ტელევიზორი“

რესურსები ინტერნეტში

• თემურ ფალავანდიშვილი — საქართველოს ბიოგრაფიული ლექსიკონი
• თემურ ფალავანდიშვილი — ეროვნული ფილმოგრაფია
• თემურ ფალავანდიშვილი — კინოფილმების ინტერნეტ მონაცემთა ბაზა (ინგლისური)