გრაპტოლითები

გრაპტოლითები (Graptolithina), ამომწყდარ ზღვის კოლონიურ ცხოველთა ქვეტიპი ნახევრადქორდიანების (Hemichordata) ტიპისა. ცხოვრობდნენ კემბრიული პერიოდიდან კარბონულამდე. განსაკუთრებით ფართოდ იყვნენ გავრცელებული სილურულსა და ქვედა დევონურ პერიოდებში. ჰქონდათ ქიტინოვანი ჩონჩხი, იყო გრაპტოლითების როგორც ბენთოსის, ისე პლანქტონის ფორმები. ცნობილია 2 კლასი: Stereostolonata და Graptoloidea.

ლიტერატურა

• ქსე, ტ. 3, გვ. 255, თბ., 1978