გრამოფონებისა და ფონოგრაფების მუზეუმი

გრამოფონებისა და ფონოგრაფების მუზეუმი
რუს. Музей граммофонов и фонографов
59°58′00″ ჩ. გ. 30°19′00″ ა. გ.
დაარსდა	14 აპრილი, 1997
ქვეყანა	რუსეთი
მდებარეობა	სანქტ-პეტერბურგი
ოფიციალური საიტი	http://www.grammofonspb.ru/index.php/o-muzee/istoriya

გრამოფონებისა და ფონოგრაფების მუზეუმი (რუს. Музей граммофонов и фонографов) — კერძო მუზეუმი სანქტ-პეტერბურგში. დაარსდა 1997 წლის 14 აპრილს ცირკის მსახიობის, კლოუნისა და მწვრთნელის, ვლადიმერ დერიაბკინის მიერ.

რუსეთის ქალაქებში და მის ფარგლებს გარეთ მოგზაურობისას, მუზეუმის შემქმნელმა შეაგროვა ცნობილი რუსული და უცხოური ბრენდების ფონოგრაფების, გრამოფონების და პატეფონების ფართო კოლექცია, როგორიცაა ბურჰარდი, რებიკოვი, ციმერმანი. ამჟამად კოლექცია მოიცავს სამასზე მეტ უნიკალურ ექსპონატს, რომელიც დაკავშირებულია XIX საუკუნის მეორე ნახევრის — XX საუკუნის დასაწყისის ხმის ჩაწერის და მასთან დაკავშირებული საყოფაცხოვრებო ნივთების განვითარებასთან. ექსპონატების უმეტესობა რესტავრირებულია და მუშა მდგომარეობაშია.

გარდა ამისა, მუზეუმში წარმოდგენილია არღანი და მუსიკალური ზარდახშები. მუზეუმის ცალკე დარბაზში განთავსებულია სამოვრების მცირე კოლექცია.

რესურსები ინტერნეტში

• მუზეუმის გვერდი Museum.ru-ზე
• მუზეუმის ფოტოები