ასპერგილუსი

ასპერგილუსი (Aspergillus), ობის სოკოების გვარი ჩანთიანი სოკოების კლასისა. მრავლდებიან კონიდიუმებით - უსქესო გამრავლების დროს წარმოქმნილი სპორებით. ბინადრობენ ნიადაგში, საკვებ პროდუქტებზე და აფუჭებენ მათ. ზოგი სახეობა (Aspergillus glaucus, Aspergillus fumigatus) იწვევს ადამიანისა და ცხოველის მიკოზს, ზოგს (Aspergillus niger) იყენებენ ლიმონის მჟავისა და ყველის წარმოებაში, ხოლო ზოგი სახეობა (Aspergillus fumigatus) წარმოქმნის ანტიბიოტიკებს, რომლებსაც ეფექტურად იყენებენ ფუტკრის ნოზემატოზისა და ამებური დიზენტერიის დროს.

იხილეთ აგრეთვე

• ამებიაზი

ლიტერატურა

• ქსე, ტ. 1, გვ. 639, თბ., 1975