ამიანუს მარცელინუსი

ამიანუს მარცელინუსი (Ammianus Marcellinus)
დაბადების თარიღი	მიახლოებით 330 წ.
დაბადების ადგილი	ანტიოქია
გარდაცვალების თარიღი	მიახლოებით 400 წ.
გარდაცვალების ადგილი	რომი (?)
საქმიანობა	ისტორია

ამიანუს მარცელინუსი (ლათ. Ammianus Marcellinus; დაიბადა მიახლობით 330, სირიის ანტიოქიაში, რომის იმპერიაში — 395 წ. შემდეგ, ალბათ, რომი) — ძველი რომაელი ისტორიკოსი. მონაწილეობდა რომი-სპარსეთის ომებში IV საუკუნის შუა ხანებში, ასევე მსახურობდა იმპერიის დასავლეთ ნაწილში. წარმოშობით იყო სირიელი ბერძენი, მიუხედავად ამისა მისი ერთადერთი ნაწარმოები, «ქმედებანი», დაწერა ლათინურ ენაზე. ისტორიული შრომების შემონახული ნაწილები (წიგნები XIV—XXXI) მოიცავს პერიოდს 353 წ.—378 წლებს, საეროდ თხრობა იწყებოდა იმპერატორ ნერვის მართველობიდან (96 წ. ახ.წ.ა.). ამიან მარცელინის მოიხსენიებენ როგორც «რომის უკანასკნელ დიდ ისტორიკოსს».

ბიოგრაფია

ანტიკური ხანის ავტორების მსგავსად, ამიანუს მარცელინუსმა თავის შესახებ ძალიან მწირი ინფორმაცია დატოვა, რომელიც მოცემულია მის ნაწარმოებში. სხვა წყაროები საიდანაც შეიძლება მისი ცხოვრებისა და მოღვაწეობის შესახებ რაღაც ინფორმაციის მიღება წარმოადგენს მისი ორი თანამედროვის წერილი — ცნობილი ბერძენი რიტორი ლიბანი და რომის საზოგადო მოღვაწე და ორატორი კვინტი ავრელი სიმახი.