ფურისულასებრნი
| ფურისულასებრნი | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Primulaceae | ||||||||||||||
| ||||||||||||||
ფურისულასებრნი (ლათ. Primulaceae) — ორლებნიან მცენარეთა ოჯახი, მრავალწლოვანი ან ერთწლოვანი ბალახებია. უმეტესად მარტივი ფოთლები აქვთ. ყვავილი ორსქესიანია, აქტინომორფული, იშვიათად ზიგომორფული. ყვავილი, ჯამის ფოთლები და გვირგვინის ფურცლები ერთმანეთთან შეზრდილია. ნასკვი ზედა, იშვიათად ნახევრად ქვედა, ერთბუდიანია. ნაყოფი — მრავალთესლიანი კოლოფი.
ფურისულასებრნი მოიცავს 30 გვარის 1000-მდე სახეობას. გავრცელებულია მთელ მსოფლიოში, უპირატესად ჩრდილო ნახევარსფეროს ზომიერი და ცივი ჰავის ქვეყნებში.
საქართველოში გვხვდება 7 გვარის 46 სახეობა, მათგან ერთი მონოტიპური გვარია (Sredinskya) და 18 სახეობა კავკასიის ენდემი. საქართველოში სახეობათა უმეტესობა გავრცელებულია მაღალმთის მდელოებზე და ტყეებში. მრავალი სახეობა, განსაკუთრებით ფურისულას და ყოჩივარდას გვარისა, დეკორატიულია. ცნობილია მრავალი კულტურის ფორმა.
ლიტერატურა[რედაქტირება | წყაროს რედაქტირება]
- ქიმერიძე კ., ქართული საბჭოთა ენციკლოპედია, ტ. 10, თბ., 1986. — გვ. 430.