The Killers

The Killers — ამერიკული ალტერნატიული როკ-ჯგუფი ლას-ვეგასიდან, ნევადიდან. ჩამოყალიბდა 2002 წელს.

ჯგუფი შედგება ბრენდონ ფლაუერსისაგან (ვოკალისტი, კლავიში), დეივ კენინგისაგან (გიტარა,ვოკალისტი), მარკ სტორმერისაგან (ბას გიტარა,ვოკალისტი) და რონი ვანუჩისაგან (დასარტყამი ინსტრუმენტები).

The Killers არის პოსტ-პანკის აღორძინების პერიოდის ჯგუფი. მათ მუსიკალურ სტილში იგრძნობა 80-იანების და 90-იანების გავლენა. ჯგუფის სადებიუტო ალბომი Hot fuss (2004) მის შემოქმედებაში ყველაზე მნიშვნელოვანი წარმატებაა. მათი მეორე ალბომი, Sam’s Town, გამოვიდა 2006 წელს. სიმღერების კრებული Saw Dust, რომელიც ორი ნაწილისგან შედგება, გამოშვებული იქნა 2007 წელს. ჯგუფის პირველი ორი ალბომი გაიყიდა დიდი ტირაჟით - 12 მილიონი ასლის სახით მთელი მსოფლიოს მასშტაბით. მესამე ალბომი Day & Age გამოვიდა სტიუარტ პრაისის პროდიუსერობით, 2008 წლის ნოემბერში.

ისტორია

2001 წელს ფლაუერსმა დატოვა მისთვის პირველი ბენდი, Blush Response. მან განაცხადა, რომ მიდიოდა დანარჩენებთან ერთად ლოს-ანჯელესში, კალიფორნიაში. მას შემდეგ რაც მან წაიკითხა დევიდის სტატია გაზეთში, იგი შეხვდა მას. ხოლო რონი ვანუჩი და მარკ სტორმერი შემდეგ შემოუერთდნენ “The Killers”-ს შემოთავაზების შედეგად.

თავდაპირველად The Killers უკრავდა ლას-ვეგასის დიდ კლუბებში სხვა ჯგუფებთან ერთად და მათი რეპერტუარი საკმაოდ ვრცელი იყო. ჯგუფმა ალექს ჯილბერტის ყურადღება მიიპყრო, რომელიც იყო Warner Bros.-ის ბრიტანელი წარმომადგენელი. ასე რომ Warner Bros-ში მოსმენის შემდეგ ჯილბერტის მეგობრის ბენ დარლინის მეშვეობით მალე ჯგუფმა ბრიტანული ეტიკეტი დაიკრა.

დისკოგრაფია

სტუდიური ალბომები

• Hot Fuss (2004)
• Sam's Town (2006)
• Day & Age (2008)
• Battle Born (2012)

რესურსები ინტერნეტში

ვიკისაწყობში არის გვერდი თემაზე:

The Killers

• ოფიციალური საიტი